आयोगद्वारा गण्डकी, कर्णाली तथा सुदूरपश्चिम प्रदेशका ८ वटा जिल्लामा ढुवानी सम्पन्न

आम निर्वाचन-२०७९

गृहपृष्ठ
आम निर्वाचन-२०७९
आयोगद्वारा गण्डकी, कर्णाली तथा सुदूरपश्चिम प्रदेशका ८ वटा जिल्लामा ढुवानी सम्पन्न

आयोगद्वारा गण्डकी, कर्णाली तथा सुदूरपश्चिम प्रदेशका ८ वटा जिल्लामा ढुवानी सम्पन्न

५१ वटा जिल्लामा निर्वाचन सामग्री ढुवानी जारी

आइतबार, कात्तिक १३, २०७९ बागेश्वरी पोस्ट

नेपालगन्ज । निर्वाचन आयोगले गण्डकी, कर्णाली तथा सुदूरपश्चिम प्रदेशका आठ वटा दुर्गम पहाडी जिल्लाहरूमा निर्वाचन सामग्री ढुवानी सम्पन्न गरेको छ । मंसिर ४ गते हुने प्रतिनिधि सभा तथा प्रदेश सभा सदस्य निर्वाचनका लागि ५७ प्रकारका सामग्रीहरू आयोगबाट दिनहुँ विभिन्न जिल्लामा ढुवानी भइरहेको छ ।

यसक्रममा गण्डकी प्रदेशको मनाङ र मुस्ताङ, कर्णाली प्रदेशको हुम्ला, जुम्ला, मुगु, कालिकोट, डोल्पा र सुदूरपश्चिमको बाजुराको निर्वाचन सामग्री ढुवानी सम्पन्न भएको छ ।

यी बाहेक ५१ जिल्लामा विभिन्न निर्वाचन सामग्रीहरू पठाई सकिएको छ । यद्यपी ती जिल्लाहरूमा सबै सामग्री ढुवानी हुन बाँकी छ । आयोगले निर्वाचनका लागि मतपेटिका, मतपत्र, छेकाबारा, कोरा कपडा, स्वस्तिक छाप लगायत सामग्रीहरू ढुवानी गर्नुपर्ने हुन्छ ।

प्रकाशित मिति: आइतबार, कात्तिक १३, २०७९ ११:४७