कांग्रेस उम्मेदवारहरुको घरदैलो वडा नम्बर ६ र १८ मा

आम निर्वाचन-२०७९

गृहपृष्ठ
आम निर्वाचन-२०७९
कांग्रेस उम्मेदवारहरुको घरदैलो वडा नम्बर ६ र १८ मा

कांग्रेस उम्मेदवारहरुको घरदैलो वडा नम्बर ६ र १८ मा

मंगलबार, कात्तिक १५, २०७९ बागेश्वरी पोस्ट

नेपालगञ्ज । मंसिर ४ गते हुने प्रतिनिधिसभा र प्रदेशसभाको निर्वाचन नजिकिँदै गर्दा उम्मेदवारहरुलाई भोट माग्ने चटारो छ । घरघरमा पुगेर उम्मेदवारहरुले भोट मागिरहेका छन् । उम्मेदवारहरुले आआफ्नो चुनाव चिन्हमा भोट गर्न आग्रह गरिरहेका छन् ।

नेपाली कांग्रेसका उम्मेदवारहरुले पनि घरदैलोलाई तीब्रता दिएका छन् । कांग्रेसबाट बाँके क्षेत्र नम्बर २ का उम्मेदवार सुदिप नरसिंह राणा तथा प्रदेशसभा २(१) का उम्मेदवार राजकुमार बर्मा र २(२) का उम्मेदवार सुरेन्द्रबहादुर हमालले आज नेपालगन्जको वडा नम्बर ६ र वडा नम्बर १८ मा घरदैलो गरेका छन् ।

No description available.

आज दिउँसो वडा नम्बर ६ का फूल्टेक्रा, रामनगर, नयाँ बस्ती लगायतका क्षेत्रमा घरदैलो गर्दै उनीहरुले रुख चुनाव चिन्हमा मतदान गरी आफूहरुलाई निर्वाचित गराउन आग्रह गरेका छन् । उम्मेदवारहरुले विकास, समृद्धि, सुशासन र स्थिरताका लागि कांग्रेसलाई मतदान गर्न आग्रह गरेका छन् । मतदाताले देखाएको रेस्पोन्सले आफूहरुलाई उर्जा मिलिरहेको क्षेत्र नम्बर २ का उम्मेदवार राणाले बताए ।

घरदैलोमा लुम्बिनी प्रदेशका समानुपातिक उम्मेदवार माया पुन र सुशिला नेपाली (बादी) लगायत कांग्रेस नेता कार्यकर्ता सहभागी थिए ।

घरदैलोमा देखिएका दृश्य

No description available.