मतगणना स्थलमा यसपटक तारजाली नलगाइने

आम निर्वाचन-२०७९

गृहपृष्ठ
आम निर्वाचन-२०७९
मतगणना स्थलमा यसपटक तारजाली नलगाइने

मतगणना स्थलमा यसपटक तारजाली नलगाइने

भोलीदेखि उम्मेदवारले जुलुस निकाल्न र आमसभा गर्न पाउने

बुधबार, कात्तिक १६, २०७९ बागेश्वरी पोस्ट

नेपालगन्ज । निर्वाचन आयाेगले मतगणना स्थलमा तारजाली नलगाइने बताएकाे छ । आज आज पत्रकार सम्मेलनमा बाेल्दै प्रमुख निर्वाचन आयुक्त दिनेशकुमार थपलियाले मतगणना स्थलमा तारजाली नलगाइने बताएका हुन् ।

प्रमुख आयुक्त थपलियाले मतपत्रको सुरक्षा र गणना स्थलको सुरक्षाका लागि सीसी क्यामेरा भने राख्ने जानकारी दिए । विगतका चुनावमा मतपत्र चपाउने जस्ता घटना भएपछि मतपत्र सुरक्षाका लागि भन्दै मतगणना स्थलमा तारजाली लगाइँदै आएको थियो ।

यसबीच राजनीतिक दल र उम्मेदवारहरूले भोलीदेखि जुलुस, आमसभा र कोणसभा गर्न पाउनेछन् । आयोगको पूर्व निर्धारित कार्यक्रम अनुसार भोलीदेखि मङ्सिर १ गतेसम्म जुलुस, आमसभा र कोणसभा गर्न पाउने प्रमुख निर्वाचन आयुक्त दिनेशकुमार थपलियाले जानकारी दिए । प्रचारप्रसारको यो अवस्थामा चुनावको निष्ठालाई जोगाएर आचारसंहिताको पालना गर्न दल र उम्मेदवारहरूलाई उनकाे आग्रह छ ।

प्रकाशित मिति: बुधबार, कात्तिक १६, २०७९ १७:१९

प्रतिक्रिया दिनुहोस्