भोट माग्न घर-घर पुग्दै कांग्रेस उम्मेदवारहरु

आम निर्वाचन-२०७९

गृहपृष्ठ
आम निर्वाचन-२०७९
भोट माग्न घर-घर पुग्दै कांग्रेस उम्मेदवारहरु

भोट माग्न घर-घर पुग्दै कांग्रेस उम्मेदवारहरु

बुधबार, कात्तिक १६, २०७९ बागेश्वरी पोस्ट

नेपालगन्ज । मंसिर ४ को प्रतिनिधिसभा र प्रदेशसभा निर्वाचन संघारमै आइपुग्दा उम्मेदवारहरुको ब्यस्तता बढेको छ । उम्मेदवारहरुलाई अहिले मतदाताको घरदैलोमा पुग्न भ्याइनभ्याई छ ।

नेपाली कांग्रेसको तर्फबाट बाँके क्षेत्र नम्बर २ का उम्मेदवारहरु पनि घरदैलोमा सक्रिय छन् । प्रतिनिधिसभाका उम्मेदवार सुदिप नरसिंह राणा तथा प्रदेशसभा २(१) का उम्मेदवार राजकुमार बर्मा र २(२) का उम्मेदवार सुरेन्द्रबहादुर हमालले घर-घर पुगेर मतदातालाई भेटिरहेका छन् । उनीहरुसंगै निवर्तमान जिल्ला सभापति एवम् प्रतिनिधिसभाकी समानुपातिक उम्मेदवार किरण कोइराला, लुम्बिनी प्रदेशसभाका समानुपातिक उम्मेदवार माया पुन, सुशिला बादी र मिना बोहरा सिद्दिकी पनि घरदैलोमा संगसंगै छन् ।

आज उनीहरुले नेपालगन्जको वडा नम्बर १२ र १४ तथा डुडुवाको वडा नम्बर ६ मा घरदैलो गरेका छन् । विकास, सुशासन, समृद्धि र स्थिरताका लागि 'रुख" चुनाव चिन्हमा मतदान गरी कांग्रेसका उम्मेदवारलाई विजयी बनाउन आग्रह गरेका छन् । हिरमिनियाको घरदैलोमा महासमिति सदस्य एवम् डुडुवा गाउँपालिकाका अध्यक्ष नरेन्द्रकुमार चौधरी पनि उपस्थित थिए ।

आजै नेपालगन्जको वडा नम्बर १४ बालेगाउँ र डुडुवाको वडा नम्बर ६ हिरमिनियामा सम्पर्क कार्यालय पनि खोलिएका छन् । हिरमिनियाको सम्पर्क कार्यालयको उद्घाटन जिल्ला सभापति नारायणप्रसाद गौडेल र बालेगाउँको सम्पर्क कार्यालय जिल्ला सचिव सुधांशु कोइरालाले गरेका हुन् । सभापति गौडेलले कांग्रेसका उम्मेदवारहरुलाई जिताउन कुनै कसर बाँकी नराख्न नेता कार्यकर्तालाई निर्देशन दिए ।

त्यसक्रममा लुम्बिनी प्रदेश कमिटी सदस्य दीक्षा कोइराला, कृष्ण कुमारी सापकोटा चौधरी, जिल्ला उपसभापति गोपालप्रसाद अधिकारी, कोषाध्यक्ष यज्ञबहादुर बस्नेत, सहसचिव रेनु सिंह ठाकुर, प्रदेशसभा २(१) का सभापति एवम् जिल्ला समन्वय समितिका प्रमुख ज्ञानेन्द्रकुमार चौधरी, २(२) का सभापति जितेन्द्रबहादुर हमाल (कैलाश) लगायत उपस्थित थिए ।

फोटोफिचर

May be an image of 10 people, people sitting and people standing

May be an image of 7 people, people sitting, people standing and road

May be an image of 9 people, people sitting, people standing, motorcycle and outdoors

May be an image of 15 people, people sitting and people standing May be an image of 11 people, people sitting, people standing and outdoors May be an image of 10 people, people sitting, people standing, tree and outdoors May be an image of 7 people, people standing and outdoors