कोहलपुरमा गठबन्धनको घरदैलो अभियान सुरु

आम निर्वाचन-२०७९

गृहपृष्ठ
आम निर्वाचन-२०७९
कोहलपुरमा गठबन्धनको घरदैलो अभियान सुरु

कोहलपुरमा गठबन्धनको घरदैलो अभियान सुरु

बिहीबार, कात्तिक १७, २०७९ बागेश्वरी पोस्ट

कोहलपुर । पाँच दलीय बाम–लोकतान्त्रिक गठबन्धनले कोहलपुरबाट घरदैलो अभियान सुरु गरेको छ ।

अभियानको पहिलो दिन आज कोहलपुर नगरपालिका वडा नं. २ मा घरदैलो गरिएको छ । बाँके निर्वाचन क्षेत्र नं. १ अन्तर्गत गठबन्धनको तर्फबाट प्रतिनिधिसभा सदस्य पदका उम्मेदवार महेश्वरजंग गहतराज (अथक) र प्रदेशसभा १ (२) का उम्मेदवार फुलाराम थारुले संयुक्तरुपमा घरदैलो अभियान सुरु गरेका हुन् ।

घरदैलोका क्रममा अथकले आफ्नो कार्यकालमा भए गरेका विकासका कामलाई संस्थागत गर्न र बाँकी रहेका कामलाई पूर्णता दिनुुपर्ने भएको भन्दै पुनः एक पटक मतदान गर्न आग्रह गरेका छन् । उनले संविधानको रक्षा र विकासका पक्षधरहरुबीच गठबन्धन भएको भन्दै बिना संकोच गठबन्धनका उम्मेदवारलाई मतदान गर्नुपर्ने बताए ।

गठबन्धनको तर्फबाट प्रदेशसभा १ (२) का उम्मेदवार फुलाराम थारुले कोहलपुरको बिकास र समृद्धिका लागि गठबन्धनलाई जिताउन आग्रह गरे । उनले स्थानीयको भावना अनुसार बिकास निर्माणको काममा लागिपर्ने प्रतिवद्धता जनाउँदै एक पटक अबसर दिन समेत स्थानीयहरुसँग आग्रह गरेका छन् ।

प्रकाशित मिति: बिहीबार, कात्तिक १७, २०७९ १०:५५