अग्रगमनलाई रोज्न मतदाता आतुर छन्ः इश्तियाक राई

आम निर्वाचन-२०७९

गृहपृष्ठ
आम निर्वाचन-२०७९
अग्रगमनलाई रोज्न मतदाता आतुर छन्ः इश्तियाक राई

अग्रगमनलाई रोज्न मतदाता आतुर छन्ः इश्तियाक राई

बिहीबार, कात्तिक १७, २०७९ बागेश्वरी पोस्ट

नेपालगञ्ज । जनता समाजवादी पार्टी नेपालले बाँकेको क्षेत्र नं २ मा दोस्रो चरणको चुनावी प्रचार प्रसारको तयारी थालेको छ। पहिलो चरणको घरदैलो अभियान सकिएपछि अब उसले क्षेत्रभरि दोस्रो चरणको चुनावी अभियान थाल्ने जनाएको छ ।

निर्वाचन आयोगले आजदेखि दलहरूलाई दोस्रो चरणका कार्यक्रमहरू गर्न अनुमति दिएको थियो । यो चरणमा जसपाले क्षेत्र नं २ मा निर्वाचन आयोगले भने अनुसार चुनावी आमसभा र मतदाता भेटघाट कार्यक्रमहरूलाई निरन्तरता दिने जनाएको छ ।
जसपा बाँके क्षेत्र नं २ का चुनाव प्रचार प्रसार समितिका अनुसार आज पनि उम्मेदवारहरूले घरदैलो अभियान तथा मतदाता भेटघाट गरेका छन् ।

अब जसपाले स्वंयसेवकहरूलाई खटाएर मतदाताहरूलाई मतपत्रमा सही तरिकाले छाप लगाउन सिकाउने लगायतका कामहरू बताएको छ । त्यस्तै केही दिनमै उम्मेदवारहरूले आफ्नो चुनावी प्रतिवद्धतापत्र सार्वजनिक गर्ने पनि जसपाले जनाएको छ ।
आज भएका घरदैलो तथा भेटघाटहरूमा जसपाका तर्फबाट बाँके क्षेत्र नं २ का प्रतिनिधिसभा सदस्यका उम्मेदवार मोहम्मद इश्तियाक राईले मतदाताहरूको विश्वास नतोड्ने बाचा गरेका थिए ।

‘मैले विगतमा काम गरेकै आधारमा तपाईंहरू फेरि हामीलाई भोट दिन आतुर हुनुहुन्छ । तपाईंले हामीबाट हुने विकासको अपेक्षा र विश्वासलाई तोड्नेछैनौं’ उनले भनेका छन् ‘अब फेरि एकपटक हामीलाई मौका दिनुहोस् बाँकी रहेका विकासका योजनाहरूलाई पूर्णता दिनुछ र फेरि नयाँ योजनाहरूको सिर्जना पनि गर्नुपर्नेछ ।’

उनले कसैले फैलाएको भ्रम र अफवाहमा नलागेर सही र जनताको सधैं सेवक हुने उम्मेदवारलाई मत दिन पनि अपिल गरे ।
‘अब पनि मतदातालाई वेबकुफ ठान्ने र विकास गर्न नसक्नेहरूले समाजिक सद्भाव भड्काउने खालका भाषणहरू गर्दै हिँडेका छन्’ उनले भने ‘जनतालाई थाहा छ कस्ता उम्मेदवारलाई भोट दिने भनेर गाली गलौजले कसैले चुनाव जित्दैन ।’

‘बाँके क्षेत्र नं २ मा मतदाताले अग्रगमनलाई नै रोज्नेछन् । फेरि पुरानो युग ब्युँताउन खोज्नेहरूलाई जनताले पाखा लगाउने दिन नजिकिदैंछ । पश्चगमनले कहिल्यै जित्न सक्दैन ।’

प्रकाशित मिति: बिहीबार, कात्तिक १७, २०७९ २०:१९

प्रतिक्रिया दिनुहोस्