गठबन्धनका उम्मेदवारलाई बिजयी गराउन पूर्व जनमुक्ति सेना प्रतिवद्ध !

आम निर्वाचन-२०७९

गृहपृष्ठ
आम निर्वाचन-२०७९
गठबन्धनका उम्मेदवारलाई बिजयी गराउन पूर्व जनमुक्ति सेना प्रतिवद्ध !

गठबन्धनका उम्मेदवारलाई बिजयी गराउन पूर्व जनमुक्ति सेना प्रतिवद्ध !

शनिबार, कात्तिक १९, २०७९ बागेश्वरी पोस्ट

कोहलपुर । पूर्व जनमुक्ति सेनाका प्रतिनिधिहरुले पाँच दलीय बाम-लोकतान्त्रिक गठबन्धनका उम्मेदवारहरुलाई बिजयी गराउने बताएका छन् । आज पूर्व जनमुक्ति सेनाका प्रतिनिधि तथा उम्मेदवारबीच कोहलपुरमा भएको भेटघाट तथा छलफलमा उनीहरुले बाम-लोकतान्त्रिक गठबन्धनका उम्मेदवारलाई जिताउने प्रतिवद्धता जनाएका हुन् ।

आफूहरुको त्याग र बलिदानबाट प्राप्त ब्यवस्था र संविधानको रक्षार्थ पाँच दलीय गठबन्धनले खेलेको भूमिका महत्वपूर्ण रहेको भन्दै उनीहरुले आफुहरु सधैं अग्रगमनको पक्षमा रहेको बताए । महान जनयुद्ध र दोस्रो जनआन्दोलनबाट ब्यवस्था बदलिए पनि आम नागरिकको अवस्था भने उस्तै रहेको भन्दै आगामी निर्वाचनपछि बन्ने गठबन्धनको सरकारले आम जनताको अवस्था बदल्ने गरी काम गर्नुेपर्नेमा उनीरुले जोड दिएका थिए ।

कार्यक्रममा बोल्दै गठबन्धनको तर्फबाट बाँके क्षेत्र नं. १ प्रतिनिधसभा सदस्य पदका उम्मेदवार महेश्वर गहतराज (अथक) ले अहिलेको ब्यवस्था ल्याउनमा जनमुक्ति सेनले खेलेको भूमिका अतुलनीय रहेको बताए । उनले आफ्नो ज्यानको बाजी राखेर ब्यवस्था परिवर्तनको आन्दोलनमा होमिएका ज्ञात/अज्ञात सहिदहरुको सपना साकार पार्ने दायित्व गठबन्धको काँधमा आएको भन्दै गठबन्धनका उम्मेदवारहरुलाई जिताउने गरी अभियान चलाउन आग्रह गरे ।

कार्यक्रममा बोल्दै प्रदेश सभा (२) का उम्मेदवार फुलाराम थारुले गठबन्धनका उम्मेदवारहरुलाई जिताउन सबै लाग्नुपर्ने बताए । हिज परिवर्तनका लागि लडेका योद्धाहरु नै गठबन्धनको चुनावी कमाण्डरका रुपमा मैदानमा उत्रिनुपर्ने अवस्था आएको भन्दै दत्तचित्त भएर लाग्न थारुले आग्रह गरे । बिभिन्न कालखण्डमा परिवर्तनको नेतृत्व गरेका पार्टीहरु बीच भएको गठबन्धन देशलाई निकास दिन सक्षम रहेको उनको भनार्ई थियो ।

यसैबीच चुनावि अभियानकै क्रममा पाँच दलीय बाम-लोकतान्त्रिक गठबन्धनका उम्मेदवारहरुले क्षेत्र नं. १ का बिभिन्न क्षेत्रमा घरदैलो अभियानलाई तिब्रता दिएका छन् । अभियानकै क्रममा आज कोहलपुर तथा राप्तीसोनारीका बिभिन्न वडामा वडास्तरीय कार्यक्रम आयोजना गरिएका छन् । कार्यक्रममा प्रतिनिधि सभाका उम्मेदवार अथकसँगै प्रदेश (१) का उम्मेदवार कृष्णा केसी (नमुना) र प्रदेश (२) का उम्मेदवार फुलाराम थारु सहभागी भइरहेका छन् ।

प्रकाशित मिति: शनिबार, कात्तिक १९, २०७९ १४:०१