कांग्रेस उम्मेदवारहरु डुडुवामा, स्थानीयको साथले उत्साहित

आम निर्वाचन-२०७९

गृहपृष्ठ
आम निर्वाचन-२०७९
कांग्रेस उम्मेदवारहरु डुडुवामा, स्थानीयको साथले उत्साहित

कांग्रेस उम्मेदवारहरु डुडुवामा, स्थानीयको साथले उत्साहित

आइतबार, कात्तिक २०, २०७९ बागेश्वरी पोस्ट

नेपालगन्ज । नेपाली कांग्रेसका उम्मेदवारहरुले आज डुडुवा गाउँपालिकामा घरदैलो गरेका छन् ।

प्रतिनिधिसभा क्षेत्र नम्बर २ का उम्मेदवार सुदिप नरसिंह राणा र प्रदेशसभा क्षेत्र नम्बर २(१) का उम्मेदवार राजकुमार बर्माले आज वडा नम्बर २ का बाबागाउँ, सन्तलिया, अमृतपुर्वा, दासपुर्वा, विलोरपुर्वा, कोलहीगाउँ, करियातीपुर्वामा घरदैलो गरेको वडा सभापति रामकुमार श्रीवास्तवले बताए ।

घरदैलोका क्रममा उम्मेदवारहरुले विकास, सुशासन र स्थिरताका लागि रुख चिन्हमा मतदान गरी आफूहरुलाई विजयी बनाउन आग्रह गरे । प्रतिनिधिसभाका उम्मेदवार राणाले भेटघाटका क्रममा मतदाताहरुले देखाएको माया, सद्भाव र विश्वासले आफूहरु उत्साहित भएको बताए ।

प्रदेशसभा उम्मेदवार वर्माले संगठनात्मक रुपमा बलियो रहेको डुडुवामा कांग्रेसको पक्षमा अझ राम्रो जनलहर सिर्जना भएको बताए ।

प्रकाशित मिति: आइतबार, कात्तिक २०, २०७९ १८:३७