'जहाँ जहाँ हामी पुग्छौं, जनताको पार्टी भनेको कांग्रेस नै रहेछ भन्नुहुन्छ'

आम निर्वाचन-२०७९

गृहपृष्ठ
आम निर्वाचन-२०७९
'जहाँ जहाँ हामी पुग्छौं, जनताको पार्टी भनेको कांग्रेस नै रहेछ भन्नुहुन्छ'

'जहाँ जहाँ हामी पुग्छौं, जनताको पार्टी भनेको कांग्रेस नै रहेछ भन्नुहुन्छ'

मंगलबार, कात्तिक २२, २०७९ बागेश्वरी पोस्ट

नेपालगञ्ज । "जहाँ जहाँ हामी पुग्छौं, जनताको स्वागत र समर्थनले हामीलाई हौसला मिलिरहेको छ, जनताको पार्टी भनेको कांग्रेस नै रहेछ भनेर सबैले भन्नुहुन्छ," मतदाताले घरदैलोका क्रममा देखाएको सद्भाव र समर्थनबारे चर्चा गरिरहेका प्रतिनिधिसभा सदस्यका उम्मेदवार सुदिप नरसिंह राणा आज साँझ घरदैलो गर्ने क्रममा नेपालगञ्ज ५ डिएसपी रोडमा भेटिए ।

प्रदेशसभा क्षेत्र नम्बर २(२) का उम्मेदवार सुरेन्द्रबहादुर हमालसंगै घरदैलो गरिरहेका राणाले जनमनमा भिजेका आफूहरुलाई स्थानीयले जीतको शुभकामना दिइरहेको बताए । प्रदेशसभा सदस्य उम्मेदवार हमालले नेपालगञ्जकै काखमा खेल्दै हुर्केका कांग्रेस उम्मेदवारहरु नै आफूहरुको सुखदुःखको सारथी भएको मतदाताले राम्रोसंग बुझेको बताए ।

घरदैलोका क्रममा दुबै जनाले रुख चुनाव चिन्हमा मतदान गरेर आफूहरुलाई विजयी बनाउन आग्रह गरिरहेका थिए । आज विहान वडा नम्बर ४ का विभिन्न बस्तीहरुमा घरदैलो गरेका राणा र हमालले साँझ वडा नम्बर ५ का विभिन्न टोलमा घरदैलो गरेका छन् ।

उता प्रदेशसभा क्षेत्र नम्बर २(१) मा पनि कांग्रेस उम्मेदवारहरु उस्तै उत्साहित छन् । प्रतिनिधिसभा सदस्य उम्मेदवार राणासंगै घरदैलोमा निस्केका प्रदेशसभा २(१) का उम्मेदवार राजकुमार बर्माले डुडुवाका विभिन्न गाउँहरुमा घरदैलो गर्ने क्रममा डुडुवासीले दिएको आशिर्बाद र शुभकामना आफूहरुका निम्ति मार्गदर्शन भएको बताए ।

मतदाताले आफूहरुको जीत हेर्न चाहेको प्रतिक्रिया दिइरहेको बर्माले बताए । बर्मा राणासंगै वडा नम्बर ५ का विभिन्न गाउँहरुमा पुगेका थिए ।

प्रकाशित मिति: मंगलबार, कात्तिक २२, २०७९ १८:४९

प्रतिक्रिया दिनुहोस्