हरेक दिन ३० वटा वडामा गठबन्धनको घरदैलो अभियान

आम निर्वाचन-२०७९

गृहपृष्ठ
आम निर्वाचन-२०७९
हरेक दिन ३० वटा वडामा गठबन्धनको घरदैलो अभियान

हरेक दिन ३० वटा वडामा गठबन्धनको घरदैलो अभियान

मंगलबार, कात्तिक २२, २०७९ बागेश्वरी पोस्ट

कोहलपुर । बाम लोकतान्त्रिक गठबन्धनले बाँके क्षेत्र नं. १ का ३० वटै वडामा एकसाथ घरदैलो तथा जनभेटघाट अभियान सुरु गरेको छ । ३० वटै वडामा निर्वाचन परिचालन समिति गठन गरेको पाँच दलीय बाम लोकतान्त्रिक गठबन्धनका नेता कार्यकताहरु आफ्ना प्रतिबद्धतासहित जनताको घरदैलोमा पुग्दै आएका छन् ।

घरदैलो तथा जनभेटघाटका क्रममा जनताका गुनासो र सुझावहरु संकलन समेत गरेका छन् । गठबन्धनका उम्मेदवार बाहेक कार्यकर्ता पनि सक्रियरुपमा चुनावी गतिविधिमा खटिएको निर्वाचन परिचालन समिति बाँके क्षेत्र नं. १ का संयोजक नरेन्द्र न्यौपानले जानकारी दिए ।

निर्वाचन परिचालनका लागि प्रदेश स्तरमा बाँके १ (१) मा पट्टु थारु र १ (२) का लागि बलराम शर्मा संयोजक रहेको निर्वाचन परिचाल समितिले काम गरिरहेको छ । प्रदेश निर्वाचन परिचालन समितिका संयोजक बलराम शर्माले गठबन्धका चुनावी कार्यक्रमहरु उत्साहजनकरुपमा भइरहेको बताएका छन् ।

वडा, नगर र क्षेत्रस्तरका सम्पूर्ण नेता कार्यकर्ता चुनावी प्रचार अभियानमा होमिएको उनले जानकारी दिए । बाँके १ (१) निर्वाचन परिचालन समिति संयोजक थारुले उक्त निर्वाचन क्षेत्रमा गठबन्धनको प्रचार अभियान व्यापकरुपमा चलिरहेको जानकारी दिए ।बाँकेमा १ मा गठबन्धनबाट खेलकुद मन्त्री महेश्वरजंग गहतराज (अथक), १(१) मा कृष्णा केसी नमुना र १(२) मा फुलाराम थारु उम्मेदवार छन् ।

प्रकाशित मिति: मंगलबार, कात्तिक २२, २०७९ १९:१७