आफ्ना प्रतिवद्धताहरू सार्वजनिक गर्दै इश्तियाक राई

आम निर्वाचन-२०७९

गृहपृष्ठ
आम निर्वाचन-२०७९
आफ्ना प्रतिवद्धताहरू सार्वजनिक गर्दै इश्तियाक राई

आफ्ना प्रतिवद्धताहरू सार्वजनिक गर्दै इश्तियाक राई

'सुकुम्बासीलाई लालपूर्जाको लोभ देखाएर भोट माग्ने अवस्थाको अन्त्य गर्नेछु'

मंगलबार, कात्तिक २२, २०७९ बागेश्वरी पोस्ट

नेपालगञ्ज । तेस्रोपटक चुनावी मैदानमा उत्रिएका जनता समाजवादी पार्टी नेपालका नेता तथा बाँके क्षेत्र नं. २ का प्रतिनिधिसभा उम्मेदवार मोहम्मद इश्तियाक राईले आफ्नो क्षेत्रका लागि भावी योजनाहरू भोली सार्वजनिक गर्ने भएका छन् ।

निर्वाचन क्षेत्रको विकास र समृद्धिका लागि उनले आफ्ना योजना र कार्यक्रमहरू समेटिएको ‘दश दृष्टि’बारे भोली पत्रकारहरूसँग साक्षात्कार गर्दै आफ्ना प्रतिवद्धताहरू सार्वजनिक गर्नेछन् । यसअघि उनको पार्टीले चुनावी घोषणापत्र सार्वजनिक गरिसकेको छ । ‘हामीले गर्न नसक्ने र असम्भव योजनाहरूको सपना बाँडेका छैनौं’ उम्मेदवार राईले भने ‘यहाँका नागरिक र यो क्षेत्रको आवश्यकतालाई हामीले बुझेका छौं ।

त्यसै अनुसार हामीले आफ्ना भावी योजना र कार्यक्रमहरू सार्वजनिक गर्दैछौं ।’ उनले अरूले जस्तो आफूहरूले मतदातालाई झुठा सपना र आश्वासनहरू नबाँड्ने पनि भन्दै कामको मूल्याङ्कन गर्न र आगामी दिनमा पनि विकासको सम्भावना बोकेको उम्मेदवारलाई मतदाता गर्न अपिल गरिएको बताए । ‘हामीले बनाएका र सार्वजनिक गर्न लागेका योजनाहरू कुनै महत्वाकांक्षी छैनन् र असम्भव पनि छैनन्’ उनले भने ‘यहाँको क्षेत्रगत विकास र आम नागरिको समृद्धिका लागि हामीले राज्यस्तरमै नीति निर्माणको पहल पनि गर्नेछौं ।’

'सुकुम्बासीलाई लालपूर्जाको लोभ देखाएर भोट माग्ने अवस्थाको अन्त्य गर्नेछु'

प्रतिनिधिसभा उम्मेदवार राईले अब कसैले पनि ‘चुनावी मुद्दा’ बनाउन नसक्ने गरी सुकुम्बासीका समस्याहरू समाधान हुने बताएका छन् । आफ्नो चुनावी क्षेत्रका विभिन्न सुकुम्बासी वस्तीहरूमा मतदाता भेट्न पुगेका राईले उनीहरूका समस्या समाधानका लागि नीतिगत तहमै आफूले हस्तक्षेपकारी भूमिका खेल्ने वाचा पनि गरे । बुधबार बिहानै उनी नेपालगन्ज वडा नं. १८ मा पर्ने शान्तिनगरस्थित सुकुम्बासी वस्तीमा पुगेका थिए ।

प्रकाशित मिति: मंगलबार, कात्तिक २२, २०७९ २०:२८