क्षेत्र विकासका लागि उम्मेदवार राईले सार्वजनिक गरे ‘दश दृष्टि’

आम निर्वाचन-२०७९

गृहपृष्ठ
आम निर्वाचन-२०७९
क्षेत्र विकासका लागि उम्मेदवार राईले सार्वजनिक गरे ‘दश दृष्टि’

क्षेत्र विकासका लागि उम्मेदवार राईले सार्वजनिक गरे ‘दश दृष्टि’

बुधबार, कात्तिक २३, २०७९ बागेश्वरी पोस्ट

नेपालगञ्ज । जनता समाजवादी पार्टी नेपालबाट बाँके क्षेत्र नम्बर २ का प्रतिनिधिसभा उम्मेदवार मोहम्मद इश्तियाक राईले क्षेत्र विकासका लागि आफ्ना ‘दश दृष्टि’ सार्वजनिक गरेका छन् ।

यी दृष्टिबारे राईले आज नेपालगन्जमा पत्रकारहरूसँग साक्षात्कार पनि गरेका थिए । बाँके क्षेत्र नम्बर २ को समग्र विकास र नागरिकको समृद्धिका लागि उनले विभिन्न दश क्षेत्रमा गर्ने सामाजिक र अरू विकासका योजनाहरू समेटेका छन् । विभिन्न दश बुँदामा समेटिएका उनको क्षेत्रगत विकासका दृष्टिहरूमा यहाँको स्वास्थ्य, शिक्षा, भौतिक निर्माण, युवा, खेलकुद, सामाजिक सुरक्षा, महिला लगायतका विषयहरू समेटिएका छन् । पत्रकारहरूसँगको साक्षात्कारमा उनले आफूले यो क्षेत्रको विकासका लागि निरन्तर काम गरिरहेको र अझ उन्नत विकासका लागि थप योजनाहरू ल्याएको बताए ।

‘हामीले काम गर्न सक्छौं, गरिरहेका पनि छौं’ उनले भने ‘काम गरिरहेको र गर्न सक्ने व्यक्तिलाई भोट दिनुस् भनेका छौं ।’ मतदातालाई रिझाउनका लागि आफूहरूले कुनै पनि झुटा योजना र सपनाहरू नबाँडेको पनि उनले बताए । ‘बरू हाम्रा विरूद्ध विपक्षी मित्रहरूले अफवाहहरू फैलाइरहनुभएको छ । उहाँहरूले हामीलाई एकोहोरो भ्रष्टाचार गरेको भनेर भ्रमहरू फिँजाइरहनुभएको छ । कसले काम गरेको छ र कसले भ्रष्टाचार गरेको छ भन्ने कुरामा त जनता प्रष्टै छन् । मैले कहिँकतै भ्रष्टाचार गरेको छु भने त्यसको प्रमाण दिनुस् म सजाय भोग्न तयार छु भनेर त मैले भनिरहेकै छु ।’

प्रकाशित मिति: बुधबार, कात्तिक २३, २०७९ १९:३०