कांग्रेसलाई घरदैलोको चटारो, 'रुख'मा मत माग्दै नेता कार्यकर्ता

आम निर्वाचन-२०७९

गृहपृष्ठ
आम निर्वाचन-२०७९
कांग्रेसलाई घरदैलोको चटारो, 'रुख'मा मत माग्दै नेता कार्यकर्ता

कांग्रेसलाई घरदैलोको चटारो, 'रुख'मा मत माग्दै नेता कार्यकर्ता

बुधबार, कात्तिक २३, २०७९ बागेश्वरी पोस्ट

नेपालगञ्ज । मंसिर ४ गतेको प्रतिनिधिसभा सदस्य निर्वाचन आउन अब दुई हप्ता पनि बाँकी छैन । निर्वाचन संघारमै आइपुग्दा उम्मेदवारहरुलाई घरदैलो गर्न भ्याइनभ्याई छ ।

बाँकेको प्रतिनिधिसभा क्षेत्र नम्बर २ र प्रदेशसभा क्षेत्र नम्बर २(१) र २(२) मा आफ्ना उम्मेदवारहरुलाई जिताउन वडा समितिहरु सक्रियरुपमा लागेका छन् । वडा समितिहरुले दिनहुँ घरदैलो गरिरहेका छन् । कतै उम्मेदवारहरुको साथमा त कतै स्थानीय नेता कार्यकर्ताहरु घरदैलोमा जुटेका छन् ।

यसैक्रममा नेपालगञ्ज उपमहानगरपालिका वडा नम्बर १२ को वडा समितिले आज बेलासपुर क्षेत्रमा घरदैलो गरेर 'रुख' चुनाव चिन्हमा मतदान गरी नेपाली कांग्रेसका उम्मेदवारहरुलाई विजयी बनाउन आग्रह गरेका छन् । वडा सभापति रामु चिडिमारको नेतृत्वमा जिल्ला सदस्य अमृत आचार्य, प्रदेश क्षेत्र सहसचिव राजकुमार बाल्मिकी, नगर समिति सदस्य रामप्रसाद भट्टराई, क्षेत्रीय प्रतिनिधि नेत्रजंग शाह लगायतले घरदैलो गरेको वडा सचिव सुकराम ठाकुरले बताए ।

यस्तै कांग्रेस उम्मेदवारहरुले आज वडा नम्बर १, ८ र १३ मा घरदैलो गरेका छन् । प्रतिनिधिसभाका उम्मेदवार सुदिप नरसिंह राणा, प्रदेशसभा २(१) का उम्मेदवार राजकुमार बर्मा र २(२) का उम्मेदवार सुरेन्द्रबहादुर हमालले घरदैलो गर्दै 'रुख' चुनाव चिन्हमा मतदान गरी आफूहरुलाई विजयी बनाउन आग्रह गरेका छन् ।

May be an image of 8 people, people standing and outdoors

May be an image of 10 people and people standing

May be an image of 5 people, people standing and indoor

May be an image of 10 people, people standing, tree and road May be an image of 4 people, people standing and outdoors May be an image of 7 people, people standing and outdoors May be an image of 4 people and indoor