स्वतन्त्र उम्मेदवार दिवाकर शर्मा खनालका प्रतिबद्धता सार्वजनिक

आम निर्वाचन-२०७९

गृहपृष्ठ
आम निर्वाचन-२०७९
स्वतन्त्र उम्मेदवार दिवाकर शर्मा खनालका प्रतिबद्धता सार्वजनिक

स्वतन्त्र उम्मेदवार दिवाकर शर्मा खनालका प्रतिबद्धता सार्वजनिक

बिहीबार, कात्तिक २४, २०७९ बागेश्वरी पोस्ट

नेपालगञ्ज । बाँकेको क्षेत्र नम्बर २ का संघीय सांसद पदका स्वतन्त्र उम्मेदवार दिवाकर शर्मा खनाल र क्षेत्र नम्बर २ (२) प्रदेश सभा सदस्य उम्मेदवार राज कुमार रौनियारले आफ्ना प्रतिबद्धता सार्वजनिक गरेका छन् ।

शिव सेनाका स्वतन्त्र उम्मेदवार खनाल र रौनियारले आज पत्रकार सम्मेलनमार्फत आफ्ना १५ बुँदे प्रतिबद्धता सार्वजनिक गरेका हुन् ।

प्रतिबद्धतापत्रमा यस क्षेत्रको जीवन स्तरमा परिवर्तन ल्याउने गरी कृषि, भ्रष्टाचार, गुरुकुल शिक्षापद्धति, हिन्दू राष्ट्र, गौ संरक्षण, कर, पूर्वाधार विकास तथा ढल व्यवस्थापन, खेलकुद, पर्यटन लगायतका क्षेत्रलाई समेटिएको छ ।

प्रतिबद्धता सार्वजनिक गर्दै दुवै उम्मेदवारको बिचारधारा, एजेण्डा एउटै रहेको हुँदा एउटैमा समेटिएको बताइएको छ ।

सार्वजनिक गरिएका १५ बुँदे प्रतिबद्धता यस्ता छन्-

१. हिन्दू राष्ट्र स्थापनाको लागि सदन तथा सडक दुवै ठाउँबाट आन्दोलन गर्ने ।

२. ठाउँ ठाउँमा गुरुकुल शिक्षा पद्धति अनुसार पाठशाला संचालनमा जोड दिने ।

३. भ्रष्टाचार बिरोधको अभियान संचालन गर्ने ।

४. कृषकहरुलाई समयमा मल, खाद्य, बिउ र सिचाईंको लागि पहल गर्ने ।

५. गौ संरक्षणको लागि स्थानीयहरुसंग सहकार्य गरी कम्दीस्थित खजुरा माता मन्दिर क्षेत्र वरिपरिको ५ किमी जंगलमा तारबार गरेर गौशाला व्यवस्थापन गर्ने ।

६. होलिया, चौफेरी, रामनगर लगायत डुडुवाको विकट गाउँहरुमा बाटोघाटो निर्माणार्थ प्राथमिकता दिइने ।

७. मोटरसाइकल र चार पांग्रे सवारी साधनको कर एक पटक मात्र लिने व्यवस्थाको लागि आवाज उठाउने

८. स्थानीय मठ मन्दिर, गुम्बाको संरक्षण, प्रर्वद्धन तथा व्यवस्थापनमा जोड दिने ।

९. राज्यबाट आफूले प्राप्त गर्ने तलब भत्ताबाट गरिब हिन्दू परिवारका सदस्यलाई तिर्थाटनको व्यवस्था गर्ने

१०. युवाहरुका स्वास्थ्य र मानसिक विकासका लागि जिम र खेलकुदलाई जोड दिने ।

११. हिन्दूधर्मको नाममा हुँदै आएका संस्कार विरोधी गतिविधिलाई नियन्त्रण गर्दै धर्म राष्ट्रको निर्माणका लागि अभियान संचालन गर्ने ।

१२. नेपालगञ्जमा हुने डुवानको समस्यालाई समाधानका लागि दिर्घकालीन समस्याको समाधानका लागि ठोस कार्ययोजनाका लागि पहल गर्ने ।

१३. प्रदेशमा रहेका केही मन्त्रालयहरु नेपालगञ्जमा पनि राख्न पहल गर्ने ।

१४. पर्यटनलाई अभिवृद्धि गर्न राँझा विमानस्थललाई क्षेत्रीय अन्तर्राष्ट्रिय विमानस्थलको रुपमा स्तरोन्नतिका लागि पहल गर्ने ।

१५. नेपालगञ्जको बहुप्रतिक्षित रोडको निर्माणका लागि पहल गर्ने ।

प्रकाशित मिति: बिहीबार, कात्तिक २४, २०७९ १७:४५

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट