मेरो एक मात्रै स्वार्थ भनेको यो क्षेत्रको विकास गर्नु होः राई

आम निर्वाचन-२०७९

गृहपृष्ठ
आम निर्वाचन-२०७९
मेरो एक मात्रै स्वार्थ भनेको यो क्षेत्रको विकास गर्नु होः राई

मेरो एक मात्रै स्वार्थ भनेको यो क्षेत्रको विकास गर्नु होः राई

बिहीबार, कात्तिक २४, २०७९ बागेश्वरी पोस्ट

नेपालगञ्ज । प्रतिनिधिसभाका लागि बाँके क्षेत्र नम्ब २ बाट जनता समाजवादी पार्टीका उम्मेदवार मोहम्मद इश्तियाक राईले फेरि चुनाव लड्नुका पछाडि आफ्नो एक मात्रै स्वार्थ भनेको यो क्षेत्रको विकास गर्नु भएको बताएका छन् । संसद अनि सरकारमा लडेरै भएर पनि आफ्नो क्षेत्रमा विकासका योजनाहरू ल्याएको स्मरण गराउँदै उनले फेरि पनि अधुरा योजनाहरू पूरा गर्न र नयाँ आयोजनाहरू ल्याउनका लागि एकपटक मौका दिन मतदातासँग अपिल गरे । नेपालगन्जको वौद्ध गुम्बामा आयोजित एउटा कार्यक्रममा सम्बोधन गर्दै उम्मेदवार राईले काम गरिरहेको र गर्न सक्नेलाई रोज्न मतदातालाई सुझाव दिए ।

‘पहिलोचोटी १९ महिना सहरी विकास मन्त्री हुँदा र पछिल्लो पटक ३ महिनामात्रै भएपनि भौतिक पूर्वाधार मन्त्री हुँदा अनि त्यो अवधिमा सांसद हुँदा मैले के कति काम गर्न सकेँ भन्ने कुरा तपाईंहरूलाई छर्लङ्ग छ । सारा मतदाताले मेरो पहलमा भएका काम र योजनाहरूको सूची पढिरहनुभएको छ’ उनले भने ‘नेपालगन्जको समग्र विकासका लागि अब के के गर्नुछ र मैले के गर्नेछु भन्ने कामको सूची पनि तपाईंहरूलाई दिएको छु । यो मेरो वाचा मात्रै होइन, प्रतिवद्धता मात्रै पनि होइन । यो मेरो अठोट हो । तपाईंहरूको विकासको चाहना हो । यसलाई दस्तावेजका रूपमा राख्नुस् र पाँच वर्षपछि यही दस्तावेज देखाएर तपाईंहरूले प्रश्न गर्नस् यो काम किन नगरेको भनेर ?’ त्यो पनि जवाफ बोकेर आउन सक्ने उनको दाबी छ । आफूले क्षेत्रको विकासका लागि जसरी पनि काम गरिरहेको भन्दै उनले कसैले देखाएको आशा र कसैले गरेका वाचाहरूको पछाडि नलाग्न पनि मतदातालाई सम्झाए ।

प्रकाशित मिति: बिहीबार, कात्तिक २४, २०७९ १९:०३

प्रतिक्रिया दिनुहोस्