'सुशिल दाईको क्षेत्रमा कांग्रेस बाहेक अरुलाई हामी कसरी रोज्न सक्छौं'

आम निर्वाचन-२०७९

गृहपृष्ठ
आम निर्वाचन-२०७९
'सुशिल दाईको क्षेत्रमा कांग्रेस बाहेक अरुलाई हामी कसरी रोज्न सक्छौं'

'सुशिल दाईको क्षेत्रमा कांग्रेस बाहेक अरुलाई हामी कसरी रोज्न सक्छौं'

बिहीबार, कात्तिक २४, २०७९ बागेश्वरी पोस्ट

नेपालगञ्ज । बाँकेको प्रतिनिधिसभा क्षेत्र नम्बर २ र प्रदेशसभाका दुई वटै क्षेत्रमा नेपाली कांग्रेसको दौडधुप बढेको छ । क्षेत्र नम्बर २ मा सांगठनिकरुपमा सबैभन्दा बलियो अवस्थामा रहेको कांग्रेस सबै वडामा पार्टी पंक्तिलाई परिचालन गरेर चुनाव प्रचारप्रसारमा होमिएको छ ।

प्रतिनिधिसभाका उम्मेदवार सुदिप नरसिंह राणा तथा प्रदेशसभा २(१) का उम्मेदवार राजकुमार बर्मा र प्रदेशसभा २(२) का उम्मेदवार सुरेन्द्रबहादुर हमाल मतदाता भेट्न व्यस्त छन् । संविधान रक्षा, विकास, स्थिरता र सुशासनका लागि रुख चिन्हमा मतदान गर्न उम्मेदवारहरुले मतदाताहरुलाई आग्रह गरिरहेका छन् । मतदाताले भेटघाटका क्रममा कांग्रेस नै आफूहरुको रोजाईमा पर्ने भन्दै उम्मेदवारहरुलाई ढुक्क हुन भनिरहेको राणाले बताए ।

"सुशिल दाई जस्तो नेताको ठाउँमा कांग्रेस बाहेक अरुलाई हामी कसरी मतदान गर्न सक्छौं, तपाईंहरु ढुक्क हुनुहोस्, कांग्रेस नै हाम्रो रोजाई हो भनेर मतदाताले प्रतिक्रिया दिँदा हामीलाई हौसला मिलिरहेको छ," राणाले भने । राणा र बर्माले आज वडा नम्बर १३ र २२ तथा राणा र हमालले वडा नम्बर २ र १० मा घरदैलो गरेका छन् ।

प्रकाशित मिति: बिहीबार, कात्तिक २४, २०७९ १९:२५