बर्दिया १ मा संजय गौतम झनै बलियो बन्दै

आम निर्वाचन-२०७९

गृहपृष्ठ
आम निर्वाचन-२०७९
बर्दिया १ मा संजय गौतम झनै बलियो बन्दै

बर्दिया १ मा संजय गौतम झनै बलियो बन्दै

जनताको रोजाइमा गौतम

शुक्रबार, कात्तिक २५, २०७९ बागेश्वरी पोस्ट

नेपालगन्ज । २०७४ को निर्वाचनमा बर्दिया १ बाट तत्कालीन वाम गठबन्धनका लागि नेकपा एमालेका उम्मेदवार वामदेव गौतमलाई पराजित गरेका नेपाली कांग्रेसका संजयकुमार गौतम यसपटकको प्रतिनिधिसभा निर्वाचनमा झनै बलियो देखिएका छन् ।

वामदेवलाई पराजित गर्ने तिनै संजय अहिले बर्दिया-१ मा गठबन्धनका साझा उम्मेदवार रहेका छन् । उनी नेकपा एमालेका लक्ष्मणराज ज्ञवालीसँग चुनावी प्रतिस्पर्धामा रहेका छन् ।

बर्दिया १ मा संजयकुमार गौतमको जितको सम्भावना यसपटक पनि बलियो रहेको छ । नेकपा एमालेका उम्मेदवार लक्ष्मणराज ज्ञवालीलाई भने, गठबन्धनका कारण जितका लागि चुनौती बढी छ ।

स्थानीय तह निर्वाचन २०७९को मत हेर्ने हो भने बर्दिया १ मा कांग्रेसले ३४ हजार ६ सय २२ मत प्राप्त गरेको छ । नेकपा माओवादी केन्द्रसँग २४ हजार ३ सय ४१ र नेकपा एकीकृत समाजवादीले १ हजार ६ सय ५२ मत प्राप्त गरेको छ ।

नेकपा एमालेले बर्दिया १ मा सबै दल भन्दा बढी ३६ हजार ८ सय १२ मत प्राप्त गरेको छ । राप्रपासँग ३ हजार १ सय ९० मत छ । दलगत मत बढी भए पनि एमालेका उम्मेदवारलाई जितका लागि भने जटिल स्थिति सिर्जित छ ।

कांग्रेसका गौतमले आफ्नो र माओवादी केन्द्रको मत पाउँदा निकै बलियो मतान्तर बनाउने सम्भावना छ । यद्यपि बर्दिया १ मा एक स्वतन्त्रसहित थप ८ जना उम्मेदवार प्रतिस्पर्धामा छन् । यसो हुँदा एमाले र गठबन्धनका लागि कांग्रेसका उम्मेदवार गौतमबीच प्रतिस्पर्धा बलियो रहनेछ ।

जितका लागि एमालेका लक्ष्मणराज ज्ञवालीलाई चुनौती रहँदा कांग्रेसका गौतमलाई सहज हुने देखिन्छ । गौतमले मन्त्री हुँदा होस् वा अन्य बेला होस् बर्दियामा बिकास गरेको हुँदा जनताले उनैलाई रोज्ने देखिएको छ ।

प्रकाशित मिति: शुक्रबार, कात्तिक २५, २०७९ ०८:०२