बाम-लोकतान्त्रिक गठबन्धनले नै संविधान जोगायोः राठोर

आम निर्वाचन-२०७९

गृहपृष्ठ
आम निर्वाचन-२०७९
बाम-लोकतान्त्रिक गठबन्धनले नै संविधान जोगायोः राठोर

बाम-लोकतान्त्रिक गठबन्धनले नै संविधान जोगायोः राठोर

शुक्रबार, कात्तिक २५, २०७९ बागेश्वरी पोस्ट

सम्झना बजार (बैजनाथ) । नेपाली कांग्रेसका सहमहामन्त्री एवम् बाँके क्षेत्र नम्बर ३ का बाम-लोकतान्त्रिक गठबन्धनका उम्मेदवार किशोरसिंह राठोरले गठबन्धनले नै संविधान जोगाएको बताएका छन् ।

बैजनाथको सम्झना बजारमा आज आयोजित तरुण युवा विद्यार्थीको संयुक्त भेलालाई सम्बोधन गर्दै राठोरले प्रतिगामी शक्तिलाई परास्त गर्न बाम-लोकतान्त्रिक गठबन्धन गरिएको स्पष्ट पारे । उनले भने, "गठबन्धनले यो संविधानलाई जोगाएको छ, लामो संघर्षबाट ल्याएको संविधान जोगाउन बाम लोकतान्त्रिक गठबन्धन बनेको हो, संविधान जोगाउन हामी एक ठाउँमा आएका हौं ।"

उनले अब बहुमत ल्याएर विकास, समृद्धि र स्थिरता दिने बताए । "यो संविधानले महिलालाई अधिकार दिएको छ, दलित, आदिवासी जनजाती, थारु, मुस्लिम, अल्पसंख्यक सबैलाई अधिकार दिएको छ, हरेक धर्म मान्नेहरुको संरक्षणको ग्यारेन्टी गरेको छ," राठोरले भने-"लामो संघर्षबाट आएको संविधान जोगाएर अरु थप प्राप्तिका लागि अघि बढ्न जरुरी छ, संविधान परिवर्तनशील दस्तावेज हो, आवश्यक संशोधन गर्न सकिन्छ ।"

उनले बाँकेबाट जितेर गएका सुशिल कोइरालाको नेतृत्वमा बनेको संविधान सभापति एवम् प्रधानमन्त्री शेरबहादुर देउबा र माओवादी अध्यक्ष पुष्पकमल दाहाल प्रचण्डले कार्यान्वयन गरेको बताए ।

भेलालाई सम्बोधन गर्दै प्रदेशसभा ३(१) का उम्मदवार दलबहादुर सुनारले संविधान रक्षा, विकास, स्थिरता र सुशासनका लागि बनेको बाम-लोकतान्त्रिक गठबन्धन जनताको वास्तविक सेवक भएको बताए । भेलालाई नेपाल विद्यार्थी संघका केन्द्रीय अध्यक्ष दुजाङ शेर्पा, संयुक्त प्रचारप्रसार सचिवालय युवा प्रमुख केशर खड्का लगायतले सम्बोधन गरेका थिए ।

No description available.