मंसिर ४ को निर्वाचनमा तीन दिन सार्वजनिक विदा दिन सिफारिस

आम निर्वाचन-२०७९

गृहपृष्ठ
आम निर्वाचन-२०७९
मंसिर ४ को निर्वाचनमा तीन दिन सार्वजनिक विदा दिन सिफारिस

मंसिर ४ को निर्वाचनमा तीन दिन सार्वजनिक विदा दिन सिफारिस

सोमबार, कात्तिक २८, २०७९ बागेश्वरी पोस्ट

नेपालगञ्ज । मंसिरमा हुने प्रतिनिधिसभा तथा प्रदेशसभा निर्वाचनमा तीन दिन सार्वजनिक बिदा दिन निर्वाचन आयोगले सरकारलाई सिफारिस गरेको छ । २, ४ र ५ मंसिरमा सबै सरकारी कार्यालय तथा सार्वजनिक निकायमा बिदा दिन आयोगको प्रस्ताव छ । ३ मंसिरमा शनिबार पर्छ ।

केही दिनअघि नै आयोगले यस सम्बन्धि निर्णय गरेर प्रधानमन्त्री तथा मन्त्रिपरिषद् कार्यालयमा पठाइसकेको छ । बिदाबारे मन्त्रिपरिषद्बाटै निर्णय हुनुपर्छ ।

गत ३० वैशाखमा सम्पन्न स्थानीय तह निर्वाचनमा सरकारले मतदानको दिन मात्र बिदा दिएको थियो । यसपटक आइतबार मतदान हुँदैछ । आयोगको सिफारिस कार्यान्वयन भएमा शनिबार समेत गरी लगातार चार दिन बिदा हुनेछ । अधिकांश मतदानस्थल विद्यालयमा भएकाले पूर्व तयारीका लागि पनि दुई दिनअघि नै सार्वजनिक बिदा दिनुपर्ने प्रस्ताव आयोगले गरेको छ ।

निर्वाचन आयोगको सिफारिस अनुसार बिदा सम्बन्धि निर्णय हुने गृह मन्त्रालयका प्रवक्ता फणीन्द्रमणि पोखरेलले बताए । नयाँ पत्रिका

प्रकाशित मिति: सोमबार, कात्तिक २८, २०७९ ०८:२८