एमालेलाई सवक सिकाउने बेला यही होः राठौर

आम निर्वाचन-२०७९

गृहपृष्ठ
आम निर्वाचन-२०७९
एमालेलाई सवक सिकाउने बेला यही होः राठौर

एमालेलाई सवक सिकाउने बेला यही होः राठौर

मंगलबार, कात्तिक २९, २०७९ बागेश्वरी पोस्ट

नेपालगञ्ज । सत्ता गठबन्धनबाट बाँके क्षेत्र नम्बर ३ का उम्मेदवार एवम् नेपाली कांग्रेसका सहमहामन्त्री किशोरसिंह राठौरले एमालेलाई सवक सिकाउने बेला यही भएको बताएका छन् । आज जानकी गाउँपालिकाको वडा नम्बर ३ कर्मोहनामा आयोजित चुनावी सभालाई सम्बोधन गर्दै राठौरले जनतालाई झुठा आश्वासन दिएर झुक्याउने र भनेका कुरा पूरा नगर्ने एमालेलाई जनताले सवक सिकाउने बेला यही भएको बताए ।

उनले विश्वासिलो र भरपर्दो जनप्रतिनिधि छान्ने समय आएको भन्दै मंसिर ४ गते विवेक प्रयोग गर्न आग्रह गरेका छन् । "यतिबेला तपाईंले बुद्धि पुर्याउनुभएन, ढंग पुर्याउनुभएन भने फेरि पाँच बर्ष दुःख पाउनुहुन्छ, त्यसैले अब गल्ती गर्ने छुट तपाईंहरुलाई छैन," राठौरले भने-"१० बर्ष यो ठाउँमा एमालेले जित्यो, फर्केर आएन भनेर तपाईंहरु भन्नुहुन्छ, जितेपछि धन्यवाद समेत दिन आएन भन्ने गुनासो गर्नुहुन्छ, अब गुनासो गर्ने होइन, हामीलाई जिताउनुस्, हामी हरबखत तपाईंहरुको साथमै हुन्छौं ।"

उनले थपे-"हामी जसरी अहिले मंसिर ४ गतेको लागि मत माग्न आएका छौं, भोलि जितेर पनि धन्यवाद दिन आउनेछौं, तपाईंहरुका समस्याबारे छलफल गर्नेछौं ।" चुनावी सभामा प्रदेशसभा ३(२) का उम्मेदवार बादशाह कुर्मी, क्षेत्र नम्बर ३ का क्षेत्रीय सभापति एवम् प्रदेशसभाका समानुपातिक उम्मेदवार नक्की खाँ, माओवादी नेता रक्षाराम कुर्मी, स्थानीयहरु सन्तकुमार बर्मा, राजेन्द्र सिंह लगायतले बोलेका थिए ।

प्रकाशित मिति: मंगलबार, कात्तिक २९, २०७९ २१:२०