कांग्रेसको मत चोरेर चुनाव जित्ने दिवा सपना नदेख्न राणाको चेतावनी

आम निर्वाचन-२०७९

गृहपृष्ठ
आम निर्वाचन-२०७९
कांग्रेसको मत चोरेर चुनाव जित्ने दिवा सपना नदेख्न राणाको चेतावनी

कांग्रेसको मत चोरेर चुनाव जित्ने दिवा सपना नदेख्न राणाको चेतावनी

बुधबार, कात्तिक ३०, २०७९ बागेश्वरी पोस्ट

नेपालगञ्ज । नेपाली कांग्रेसका तर्फबाट प्रतिनिधिसभा क्षेत्र नम्बर २ बाँकेका उम्मेदवार सुदिप नरसिंह राणाले कांग्रेसको मत चोरेर चुनाव जित्ने दिवा सपना नदेख्न चेतावनी दिएका छन् । नेपाली कांग्रेस नेपालगञ्ज उपमहानगरपालिका वडा नम्बर ८ ले आज एमपी स्कुल अगाडि आयोजना गरेको कोणसभालाई सम्बोधन गर्दै राणाले आफ्नो धरातल कमजोर भएकाहरुले कांग्रेसको मत ढुकेर बसेको भन्दै दिवा सपना नदेख्न चेतावनी दिए ।

No description available.

उनले कांग्रेसको सांगठनिक तागत र जनसमर्थन कारण आफूहरुलाई कसैले हराउन नसक्ने दृढता व्यक्त गरे । आफूहरुले संविधान र लोकतन्त्र रक्षाका लागि सडकमा आन्दोलन गरिरहँदा अहिलेको उम्मेदवार कहाँ थिए भन्दै प्रश्न गरे । उनले प्रतिगमनकारी र संविधानविरोधी तत्वहरुलाई जनताले सवक सिकाइदिने विश्वास व्यक्त गरे ।

प्रदेशसभा २(२) का उम्मेदवार सुरेन्द्रबहादुर हमालले यो निर्वाचन संविधान रक्षा गर्ने र संविधान त्यात्नेहरु बीचको लडाईं भएकाले जनताले विवेक प्रयोग गर्ने बेला आएको बताए । उनले नेपाली कांग्रेसका पूर्व सभापति एवम् पूर्व प्रधानमन्त्री स्वर्गीय सुशिल कोइरालाको निर्वाचन क्षेत्रमा कांग्रेसका विरासत फर्काउने उपयुक्त अवसर जनताले खेर नफाल्ने विश्वास व्यक्त गरे ।

संविधानसभा सदस्य अब्दुल हमिद सिद्दिकी (भोला) ले संविधान च्यात्ने दलका उम्मेदवारहरुलाई बाँकेबासीले सजाय दिने दिन मंसिर ४ गते भएको बताए । कांग्रेसलाई हराउने तागत कोहीसंग नभएको भन्दै उनले कांग्रेस नेता कार्यकर्ता दृढ संकल्पित भएर पार्टीलाई जिताउन प्रतिबद्ध रहेको बताए ।

कार्यक्रममा लुम्बिनी प्रदेशसभाका निवर्तमान सांसद मो. याकुब अन्सारी, क्षेत्र नम्बर २ का क्षेत्रीय सभापति रमेशकुमार गुप्ता, क्षेत्रीय सचिव प्रदिपकुमार साहु लगायतले सम्बोधन गरेका थिए । अर्का क्षेत्रीय सचिव सुनिलसिंह हमालले सञ्चालन गरेको कार्यक्रम वडा नम्बर ८ का सभापति निजामुद्दिन सिद्दिकीको सभापतित्वमा सम्पन्न भएको थियो । कार्यक्रममा प्रदेशसभा २(१) का उम्मेदवार राजकुमार बर्मा, राष्ट्रियसभा सदस्य एवम् पूर्व पार्टी सभापति युवराज शर्मा, पूर्व मन्त्री एवम् पूर्व पार्टी सभापति गजेन्द्र हमाल लगायत उपस्थित थिए ।

प्रकाशित मिति: बुधबार, कात्तिक ३०, २०७९ २०:०२