प्रतिनिधिसभा र प्रदेशसभा सदस्य चुन्न विहान ७ बजेदेखि मतदान

आम निर्वाचन-२०७९

गृहपृष्ठ
आम निर्वाचन-२०७९
प्रतिनिधिसभा र प्रदेशसभा सदस्य चुन्न विहान ७ बजेदेखि मतदान

प्रतिनिधिसभा र प्रदेशसभा सदस्य चुन्न विहान ७ बजेदेखि मतदान

आइतबार, मंसिर ४, २०७९ बागेश्वरी पोस्ट

नेपालगन्ज । प्रतिनिधिसभा र प्रदेशसभा सदस्य चुन्नका लागि आज बिहान ७ बजेदेखि मतदान सुरु भएको छ । साँझ ५ बजेसम्म मतदान चल्नेछ । प्रत्यक्ष र समानुपातिक गरी मिश्रित प्रणालीबाट चुनिने जनप्रतिनिधिहरुले मुख्यरुपमा सरकार निर्माण गर्ने र कानुन बनाउने काम गर्नेछन् ।

प्रत्यक्ष मतदानबाट १६५ प्रतिनिधिसभा सदस्य र ३३० जना प्रदेशसभा सदस्य निर्वाचित हुनेछन् । बाँकी भने समानुपातिक पद्धती अन्तर्गत दलले प्राप्त गरेको मतका आधारमा निर्वाचित हुनेछन् । प्रतिनिधिसभामा २७५ र प्रदेशसभामा ५५० सदस्य हुन्छन् ।

प्रतिनिधिससभामा ११० जना समानुपातिक निर्वाचन प्रणालीबाट चयन हुनेछन् । त्यस्तै प्रदेशसभामा २२० जना समानुपातिक पद्धतिबाट निर्वाचित हुनेछन् । प्रतिनिधिसभाको प्रत्यक्षतर्फको १६५ निर्वाचन क्षेत्रमा दुई हजार ४१२ उम्मेदवार छन् ।

प्रकाशित मिति: आइतबार, मंसिर ४, २०७९ ०६:२३