काठमाडौं–४ बाट गगन थापा पुनः सांसद निर्वाचित

आम निर्वाचन-२०७९

गृहपृष्ठ
आम निर्वाचन-२०७९
काठमाडौं–४ बाट गगन थापा पुनः सांसद निर्वाचित

काठमाडौं–४ बाट गगन थापा पुनः सांसद निर्वाचित

मंगलबार, मंसिर ६, २०७९ बागेश्वरी पोस्ट

नेपालगञ्ज । नेपाली कांग्रेसका महामन्त्री गगन थापा विजयी भएका छन् । काठमाडौं–४ बाट थापाले फराकिलो अन्तरले नेकपा एमालेका राजन भट्टराईलाई हराउँदै विजयी भएका हुन् । भट्टराईलाई थापाले ७४४६ मतान्तरले पराजित गरे । गगन थापाले २१ हजार ३०१ मत पाए भने नेकपा एमालेका उम्‍मेदवार भट्टराईले १३ हजार ८५५ मत ल्याए ।

२०७४ मा पनि थापाले एमालेका भट्टराईलाई नै पराजित गरेका थिए । त्यो चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए । त्यसबेला ३२ सय मतान्तरले थापाले जितेका थिए । यसपटक थापाले मतान्तरले थप फराकिलो बनाएका छन् ।

२०७० मा पनि गगनले यही क्षेत्रबाट एमालेका निर्मल कुँइकेललाई पराजित गरेका थिए । २०६४ मा थापा समानुपातिक सांसद थिए ।

प्रकाशित मिति: मंगलबार, मंसिर ६, २०७९ ११:२९