निर्वाचन आयोगले समानुपातिकतर्फको अन्तिम सूची आज सार्वजनिक गर्दै

आम निर्वाचन-२०७९

गृहपृष्ठ
आम निर्वाचन-२०७९
निर्वाचन आयोगले समानुपातिकतर्फको अन्तिम सूची आज सार्वजनिक गर्दै

निर्वाचन आयोगले समानुपातिकतर्फको अन्तिम सूची आज सार्वजनिक गर्दै

मंगलबार, मंसिर २७, २०७९ बागेश्वरी पोस्ट

नेपालगञ्ज । निर्वाचन आयोगले प्रतिनिधिसभा सदस्य तथा प्रदेशसभा सदस्य निर्वाचनको समानुपातिकतर्फको अन्तिम सूची आज सार्वजनिक गर्ने तयारी गरेको छ ।

प्रमुख निर्वाचन आयुक्त दिनेशकुमार थपलियाका अनुसार दलहरूले बुझाएको अन्तिम सूची रुजु गर्ने काम सकिएको छ । आज नामावली सार्वजनिक हुनेछ ।

आयोगले समानुपातिकतर्फको सिट निर्धारण यसअघि नै गरिसकेको छ । जस अनुसार प्रतिनिधिसभामा एमालेले ३४, कांग्रेसले ३२, माओवादीले १४, स्वतन्त्र पार्टीले १३, राप्रपाले ७ तथा जसपा र जनमतले ५/५ सिट पाएका छन् ।

प्रत्यक्षतर्फको नतिजा यसअघिको सार्वजनिक भइसकेको छ । समानुपातिकको अन्तिम नतिजा सार्वजनिक भएसँगै आयोगले राष्ट्रपति विद्यादेवी भण्डारीसमक्ष अन्तिम परिणाम बुझाउनेछ । त्यसपछि नयाँ सरकार गठनको प्रक्रिया सुरु हुनेछ ।

प्रकाशित मिति: मंगलबार, मंसिर २७, २०७९ १०:४५