१७ जना डीआईजीको काज सरुवा, लुम्बिनीमा टेकप्रसाद राई

सुरक्षा-अपराध

गृहपृष्ठ
सुरक्षा-अपराध
१७ जना डीआईजीको काज सरुवा, लुम्बिनीमा टेकप्रसाद राई

१७ जना डीआईजीको काज सरुवा, लुम्बिनीमा टेकप्रसाद राई

बिहीबार, पुस २८, २०७९ बागेश्वरी पोस्ट

नेपालगन्ज । नेपाल प्रहरीका १७ जना डीआईजीहरुको काज सरुवा गरिएको छ ।

आज गरिएको काज सरुवामा लुम्बिनी प्रदेश प्रहरी प्रमुखमा प्रहरी प्रवक्ता डीआईजी टेकप्रसाद राई आएका छन् । लुम्बिनीका डीआईजी नल प्रसाद उपाध्याय राष्ट्रिय प्रहरी प्रठिष्ठान महाराजगन्ज,काठमाडौं गएका छन् । त्यस्तै भीमप्रसाद ढकाल कर्णाली प्रदेश पठाइएका छन् ।

डीआईजी बसन्तबहादुर कुँवरले मधेश प्रदेश प्रहरी कार्यालयको जिम्मेवारी पाएका छन् । मधेश प्रहरी प्रमुख मसाउद आलम खाँ उपत्यका प्रहरी कार्यालय, रानीपोखरी आएका छन् । कर्णाली प्रदेशका पोषराज पोख्रेल प्रहरी महानिरीक्षकको सचिवालयमा गएका छन् । विशेष ब्यूरोमा सुदीप गिरी पुगेका छन् ।

प्रहरी प्रधान कार्यालयका डीआईजी दीपक थापा बागमती प्रदेश प्रहरी कार्यालय, हेटौंडामा खटाइएका छन् । अशोक सिंहले सुदूरपश्चिम प्रदेश प्रहरी कार्यालयको जिम्मा पाएका छन् । त्रिभुवन अन्तर्राष्ट्रिय विमानस्थलमा किरण राणा गएकी छन् ।

गण्डकी प्रदेशमा बुद्धिराज गुरुङ गएका छन् भने प्रदेश १ प्रहरी कार्यालयमा श्यामलाल ज्ञवाली गएका छन् ।