एटीसीको निर्देशन नमानेर जहाज ल्याण्ड गर्ने ३ नेपाली पाइलटलाई निलम्बन गर्न निर्देशन

सुरक्षा-अपराध

गृहपृष्ठ
सुरक्षा-अपराध
एटीसीको निर्देशन नमानेर जहाज ल्याण्ड गर्ने ३ नेपाली पाइलटलाई निलम्बन गर्न निर्देशन

एटीसीको निर्देशन नमानेर जहाज ल्याण्ड गर्ने ३ नेपाली पाइलटलाई निलम्बन गर्न निर्देशन

सोमबार, माघ ९, २०७९ बागेश्वरी पोस्ट

फाइल फोटो

नेपालगन्ज । नेपाल वायुसेवा निगमका ३ जना पाइलटलाई निलम्बन गर्न निर्देशन जारी भएको छ । नेपाल नागरिक उड्डयन प्राधिकरणले एयर ट्राफिक कन्ट्रोलर (एटीसी) को निर्देशन पालना नगरेको आरोपमा ती पाइलटलाई निलम्बन गर्न नेपाल वायुसेवा निगमलाई निर्देशन दिएको छ ।

काठमाडौंबाट हङकङ उडानको जहाजका ३ जना पाइलटलाई निलम्बन गर्न निर्देशन दिइएको प्राधिकरणले जानकारी दिएको छ ।

प्राधिकरणका अनुसार हङकङ उडेको जहाजका पाइलट नरबहादुर विश्वकर्मा, राजेश कुशवाह र उद्धव घिमिरेलाई एटीसीको निर्देशन पालना नगरेकाले निलम्बन गर्न निर्देशन दिइएको हो ।

शुक्रबारका दिन काठमाडौंबाट हङकङ उडान गरेर अवतरण गर्दा ती पाइलटहरुले हङकङ एटीसीको निर्देशन पालना नगरेर जोखिमपूर्ण तरिकाले जहाज अवतरण गराएको हुँदा उनीहरुलाई निलम्बन गर्न निर्देशन दिइएको हो ।एटीसीको निर्देशन पाइलटले अनिवार्य पलना गर्नैपर्ने भएकाले गर्दा उनीहरु त्यो निर्देशन पालना नगर्दा निलम्बन गरिएको हो ।

निलम्बन पश्चात् उनीहरुसँग अलग-अलग तरिकाले स्पष्टिकरणपछि थप निर्णय हुने प्राधिकरणले जानकारी दिएको छ । निलम्बनको आदेश आएसँगै ती पाइलटहरुले जहाज उडाउन भने पाउने छैनन् । उनीहरुलाई कहिलेसम्म निलम्बन गरिनेबारे प्राधिकरणले छिनोफानो गर्नेछ ।

प्रकाशित मिति: सोमबार, माघ ९, २०७९ २०:२९