नेपाल टि–२० स्पष्ट फिक्सिङ, ४ जना व्यवस्थापककै संलग्नता

सुरक्षा-अपराध

गृहपृष्ठ
सुरक्षा-अपराध
नेपाल टि–२० स्पष्ट फिक्सिङ, ४ जना व्यवस्थापककै संलग्नता

नेपाल टि–२० स्पष्ट फिक्सिङ, ४ जना व्यवस्थापककै संलग्नता

मंगलबार, माघ १०, २०७९ बागेश्वरी पोस्ट

नेपालगन्ज । नेपाल टि–२० क्रिकेट लिग प्रतियोगितामा स्पष्ट म्याच फिक्सिङ रहेको पाईएको छ । उक्त फिक्सिङमा १० जनाको संलग्नता रहेको पाइएको छ । स्पट फिक्सिङमा नेपाली र विदेशी गरी १० जनाको संलग्नता पाइएको अनुसन्धान गरिरहेको नेपाल प्रहरीको केन्द्रीय अनुसन्धान ब्यूरो (सिआइबी) ले जनाएको हो ।

सिआइबीले आज पत्रकार सम्मेलन गर्दै यो प्रकरणमा ४ नेपाली र ६ विदेशी संलग्न रहेको जनाएको छ । ६ जना विदेशीमध्ये १ जना खेलाडी, ४ जना व्यवस्थापक र १ जना बाहिरी व्यक्ति संलग्न रहेका छन् ।

सिआइबीका अनुसार स्पट फिक्सिङम संलग्न नेपालीमध्ये १ जना खेलाडी रहेका छन् । तीन जना अन्य रहेका छन् ।

स्पट फिक्सिङमा प्रहरीले पूर्व राष्ट्रिय क्रिकेटर खेलाडी मेहबुब आलम र राष्ट्रिय क्रिकेट टोलीका सदस्य मोहम्मद आदिल अन्सारीलाई पक्राउ गरिसकेको छ ।

आलमले कम्तिमा दुई खेलाडीमार्फत स्पट फिक्सिङको प्रयास गरेको अनुसन्धानबाट खुलेको सिआइबीले जनाएको छ । प्रहरीका अनुसार उनले खेलाडी अन्सारीलाई एउटा नो बल र एउटा वाइड बल फाल्न भनेका थिए । जनकपुर रोयल्सबाट खेलेका आलमले कम्तिमा दुई खेलमा त्यस्तै गरेको पाइएको सिआइबीको दाबी छ ।

त्रिवि क्रिकेट मैदानमा पुस ९ देखि २७ गतेसम्म चलेको नेपाल टि–२० लिगको क्रममा स्पट फिक्सिङ भएर खेलको नतिजा फरक पार्ने काम भएको आरोप लागेको थियो ।

प्रकाशित मिति: मंगलबार, माघ १०, २०७९ १६:१८

प्रतिक्रिया दिनुहोस्