सशस्त्र प्रहरीका ४ जना एसएसपीको डीआईजीमा बढुवा

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीका ४ जना एसएसपीको डीआईजीमा बढुवा

सशस्त्र प्रहरीका ४ जना एसएसपीको डीआईजीमा बढुवा

बिहीबार, माघ २६, २०७९ बागेश्वरी पोस्ट

नेपालगन्ज । सशस्त्र प्रहरीको डीआईजीमा चार जनाको बढुवा भएको छ । चार जनाको लागिमात्र आवश्यकता रहेकामा चारै जनाको सिफारिस परेकाले उनीहरु डीआईजी हुने निश्चित भएको हो ।

सशस्त्र प्रहरी नियमावली २०७२ को नियम ३९ को उपनियम १ को ख बमोजिम बढुवा समितिको बुधबारको निर्णयअनुसार सशस्त्र प्रहरी वरिष्ठ उपरीक्षकहरुलाई सशस्त्र प्रहरी नायब महानिरीक्षकमा बढुवा सिफारिस गरेको गृह मन्त्रालय बढुवा समितिको सचिवालयले जनाएको छ ।

बढुवा हुनेमा सुरेशकुमार श्रेष्ठ पहिलो नम्बरमा रहेका छन्। त्यस्तै अन्जनीकुमार पोख्रेल दोस्रो नम्बरमा रहेका छन् । दीपेन्द्र शाह तेस्रो तथा पुरुषोत्तम थापा चौथो नम्बरमा छन्।

बढुवा सिफारिस उपर चित्त नबुझ्ने सशस्त्र प्रहरी वरिष्ठ उपरीक्षकहरुलाई नियमावलीको नियम ५५ मा व्यवस्था भए बमोजिम ७ दिनभित्र बढुवा उपरको उजुरी सुन्ने समिति समय उजुरी दिनसमेत आग्रह गरेको छ ।

प्रकाशित मिति: बिहीबार, माघ २६, २०७९ ०९:५३