सशस्त्र प्रहरीले सादा पोशाकमा कर्मचारी नखटाउने

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीले सादा पोशाकमा कर्मचारी नखटाउने

सशस्त्र प्रहरीले सादा पोशाकमा कर्मचारी नखटाउने

सोमबार, वैशाख १८, २०८० बागेश्वरी पोस्ट

नेपालगन्ज । सशस्त्र प्रहरीले अबदेखि सादा पोशाकमा प्रहरी कर्मचारी परिचालन नगर्ने बताएको छ ।

सशस्त्र प्रहरीले कर्मचारीहरुको समग्र वृत्ति विकासलाई ध्यानमा राखी कुल १६ हजार ४८ जना सशस्त्र प्रहरी कर्मचारीहरुको बढुवा, विशेष बढुवा, पदस्थापना, सरुवा, सरुवा समायोजन तथा नयाँ नियुक्ति गरिएको जनाएको छ ।

सशस्त्रले पत्रकार सम्मेलन गरी आज सशस्त्र प्रहरी कर्मचारीहरुले कुटनैतिक नियोग तथा विभिन्न नेतृत्वसँग भेटघाटको क्रममा पालना गर्नुपर्ने आचरण सम्बन्धी स्थायी आदेश जारी गरिएको जनाएको छ ।

त्यस्तै खेलकुदको माध्यमबाट राष्ट्रको मान प्रतिष्ठा र गौरब बढाउन विशेष योगदान पुर्याएका १६ जना सशस्त्र प्रहरी कर्मचारीहरुलाई एक तह विशेष बढुवा गरिएको उल्लेख छ ।

पुरस्कार तथा सम्मान कार्यविधि बनाई कार्यान्वयन गरिएको छ । सुरक्षा बेस बदली निर्देशिका परिमार्जन गरिएको छ र हरेक ६–६ महिनामा बेस बदली गर्ने गरिएको छ । फौजी संरचना अनुसारको चेन अफ कमाण्ड बढी मजबुत बनाउन ४५ वटा प्रस्तावित सीमा सुरक्षा गुल्महरुमा सप्रनाउ (डीएसपी) खटाइसकिएको छ ।

विदेश तालिम नीति तर्जुमा गरी नियमसंगत रुपमा क्राईटेरियाभित्र पर्ने कर्मचारीलाई विदेश तालिममा पठाउने व्यवस्था मिलाइएको छ ।

संगठनमा १२ वर्ष र २५ वर्ष सेवा अवधि पुगेका सप्रकहरुलाई राष्ट्रसेवा पदक उपलब्ध गराउन पहल गरिएको छ । सशस्त्र प्रहरीले भौतिक पूर्वाधारहरुको निर्माण कार्य निर्माण कार्यविधि अनुसार गरिएको जनाएको छ ।

प्रकाशित मिति: सोमबार, वैशाख १८, २०८० १४:४०

प्रतिक्रिया दिनुहोस्