सीआईबीलाई सुन प्रकरणको अनुसन्धानको जिम्मेवारी

सुरक्षा-अपराध

गृहपृष्ठ
सुरक्षा-अपराध
सीआईबीलाई सुन प्रकरणको अनुसन्धानको जिम्मेवारी

सीआईबीलाई सुन प्रकरणको अनुसन्धानको जिम्मेवारी

शुक्रबार, साउन १९, २०८० बागेश्वरी पोस्ट

काठमाडौं । सीआईबीले एक क्विन्टल सुन तस्करी प्रकरणको अनुसन्धानको जिम्मेवारी पाएको छ । नेपाल प्रहरीको केन्द्रीय अनुसन्धान ब्यूरो (सीआईबी) लाई सुन प्रकरणको अनुसन्धान गर्न प्रधानमन्त्री पुष्पकमल दाहाल प्रचण्डले निर्देशन दिएका छन् ।

गत साउन ३ गते नियन्त्रणमा लिइएको करिब एक क्विन्टल सुन तस्करी प्रकरणलाई जरैदेखि अनुसन्धान गर्नका लागि प्रधानमन्त्री प्रचण्डले अनुसन्धान गर्ने जिम्मा सीआईलाई दिएका हुन् । यो प्रकरणमा हाल राजस्व अनुसन्धान विभागमार्फत अनुसन्धान जारी रहेको छ ।

यो प्रकरणमा हालसम्म १८ जना पक्राउ परिसकेका छन् । जसमा भन्सार अधिकृतसहित तीन कर्मचारी, बेल्जियन, भारतीय र चिनियाँ गरी तीन विदेशी नागरिकसहित १८ जना पक्राउ परेका हुन् ।

यो संगठित र अन्तरदेशीय अपराध भएकोले जरैसम्म पुग्न सीआईबीबाट अनुसन्धान गर्न प्रचण्डले निर्देशन दिएका हुन् । विभाग आफैँ प्रधानमन्त्री मातहतको निकाय हो ।

सीआईबीकी प्रमुख एआईजी किरण बज्राचार्यले प्रधानमन्त्रीबाट अनुसन्धानका लागि निर्देशन पाइसकेको भन्दै अनुसन्धान विभागबाट फाइल आउनासाथ अनुसन्धानको प्रक्रिया अगाडि बढ्ने बताइन् ।

उनले भनिन्, ‘हामीलाई प्रधानमन्त्रीले निर्देशन दिइसक्नुभयो राजश्व अनुसन्धानबाट फाइल आउन बित्तिकै अनुसन्धान शुरु हुन्छ ।’

प्रहरीलाई सुन तस्करी प्रकरणको अनुसन्धानमा बाहिर राखिएको भन्दै विरोध भएपछि सीआईबीलाई अनुसन्धानको जिम्मेवारी दिइएको हो ।

प्रकाशित मिति: शुक्रबार, साउन १९, २०८० १४:१९

प्रतिक्रिया दिनुहोस्