नेपालगन्जस्थित सांग्रिला बैंकको क्षेत्रीय कार्यालय अब बाइपास रोडमा

अर्थ

गृहपृष्ठ
अर्थ
नेपालगन्जस्थित सांग्रिला बैंकको क्षेत्रीय कार्यालय अब बाइपास रोडमा

नेपालगन्जस्थित सांग्रिला बैंकको क्षेत्रीय कार्यालय अब बाइपास रोडमा

आइतबार, असोज २८, २०८० बागेश्वरी पोस्ट

नेपालगञ्ज । नेपालगन्जस्थित धम्बोझी चोक नजिक रहेको सांग्रिला डेभलपमेन्ट बैंक लिमिटेडको क्षेत्रीय कार्यालय आजबाट नेपालगञ्ज उपमहानगरपालिका वडा नम्बर ४ स्थित बसपार्क बाइपासमा स्थानान्तरण भएको छ ।

नेपाल राष्ट्र बैंक नेपालगञ्जका निर्देशक गिरिजाप्रसाद कोइरालाले प्रमुख अतिथिका रुपमा आज औपचारिक कार्यक्रमका बीच रिबन काटेर उद्घाटन गरेका हुन् ।

ग्राहकहरू समक्ष बैंकिङ सेवाको पहुँच र गुणस्तरीय सेवा प्रदान गर्ने उद्देश्यले बैंकले क्षेत्रीय कार्यालय सारेको सांग्रिला डेभलपमेन्ट बैंक लिमिटेड क्षेत्रीय कार्यालय नेपालगञ्जका क्षेत्रीय प्रबन्धक जयन्द्रबहादुर खड्काले जानकारी दिए ।

उद्घाटन समारोहमा बैंकका क्षेत्रीय प्रबन्धक खड्काले क्षेत्रीय कार्यालयमार्फत बैंकिङ सेवा थप विस्तार भएको र आगामी दिनहरूमा पनि बैंकले सेवाग्राहीहरुलाई अझ सहज, सरल र आधुनिक बैंकिङ सेवाहरू प्रदान गर्ने बताए ।

क्षेत्रीय कार्यालय अन्तरगत बाँके लगायत ६ जिल्लाका २५ वटा शाखा कार्यालय रहेको त्रिभुवन चौक शाखाका प्रबन्धक नागेश्वर गुप्ताले जानकारी दिए ।

प्रकाशित मिति: आइतबार, असोज २८, २०८० २०:३४

प्रतिक्रिया दिनुहोस्