सुस्ताको बरुवाबाट ४५ लाख बढीको अवैध चिनी र केराउ बरामद

अर्थ

गृहपृष्ठ
अर्थ
सुस्ताको बरुवाबाट ४५ लाख बढीको अवैध चिनी र केराउ बरामद

सुस्ताको बरुवाबाट ४५ लाख बढीको अवैध चिनी र केराउ बरामद

मंगलबार, फागुन २२, २०८० बागेश्वरी पोस्ट

पश्चिम नवलपरासी । पश्चिम नवलपरासीमा सशस्त्र प्रहरीले एक गोदाममा छापा मार्दा लाखौं रुपैयाँ बराबरको अवैध चिनी र केराउ बरामद गरेको छ ।

सशस्त्र प्रहरी बल नं. २६ गण पश्चिम नवलपरासीका प्रमुख एसपी प्रकाश वाग्लेको कमाण्डमा गएको टोलीले सुस्ता गाउँपालिका-१ बरुवामा रहेको गोदाममा सोमबार साँझ छापा मार्दा २ सय बोरा अवैध चिनी र १७ सय बोरा केराउ बरामद गरेको लुम्बिनी सशस्त्र प्रहरी प्रमुख डीआईजी अभि खत्रीले जानकारी दिएका छन् ।

डीआईजी खत्रीका अनुसार एसपी वाग्लेको टोलीले स्थानीय ज्ञानु अर्यालको घर पछाडि बनाइएको गोदाममा लुकाइराखेको अवस्थामा ३८ सय क्विन्टल केराउ र करिब ३८ क्विन्टल चिनी बरामद गरेको हो ।

सशस्त्र प्रहरीले भारतबाट ल्याइएको चिनी र केराउ एक गोदाममा लुकाइराखेको अवस्थामा छ भन्ने सुचना पाए पश्चात एसपी वाग्ले आफैं पुगेका थिए । सशस्त्र प्रहरीले बरामद गरेको उक्त चिनीलाई काठमाडौं पठाउनका लागि र केराउलाई अन्तै पठाइने तयारीमा रहेको थियो।

सशस्त्र प्रहरीले बरामद गरेको अन्दाजी ४५ लाख रुपैयाँ बढीको चिनी र केराउलाई आवश्यक कारबाहीका लागि महेशपुर भन्सार कार्यालय नवलपरासीमा बुझाइएको छ ।

प्रकाशित मिति: मंगलबार, फागुन २२, २०८० ०८:३३