जानकीमा कक्षा ८ को परीक्षा सुरु, कार्यपालिका सदस्य समेत सहभागी

शिक्षा

गृहपृष्ठ
शिक्षा
जानकीमा कक्षा ८ को परीक्षा सुरु, कार्यपालिका सदस्य समेत सहभागी

जानकीमा कक्षा ८ को परीक्षा सुरु, कार्यपालिका सदस्य समेत सहभागी

बिहीबार, चैत १, २०८० बागेश्वरी पोस्ट

रविन्द्र घिमिरे/जानकी (बाँके) । जानकी गाउँपालिकामा आजदेखि पालिका स्तरीय आधारभूत तह कक्षा ८ को परीक्षा सुरु भएको छ ।

परीक्षामा जानकी गाउँपालिकाका कार्यपालिका सदस्य राजेन्द्र सिंह समेत सहभागी भएका छन् । शैक्षिकरुपमा पिछडिएको क्षेत्र मानिएको जानकी गाउँपालिकामा शिक्षा क्षेत्रको विकासका लागि पालिका लागिपरेको छ । परीक्षामा सहभागी कार्यपालिका सदस्य सिंहले आफू पनि शिक्षित भएर सामाजिक काममा सक्रियरुपमा लागिपर्ने बताए । उनले शिक्षामा अरुलाई फोकस गरिरहँदा आफैंले शिक्षा हासिल नगरेको अनुभूति भएर परीक्षामा सहभागी भएको बताए ।

जानकी गाउँपालिकाले आधारभूत तह परीक्षा संचालनका लागि ४ वटा केन्द्र निर्धारण गरेको छ । शिक्षा, युवा तथा खेलकुद शाखाकी प्रमुख कृष्णा कुमारी भण्डारीले परीक्षामा ३८१ जना विद्यार्थीहरु सहभागी भएको बताइन् । परीक्षा एकदमै राम्रो र मर्यादित तरिकाले संचालन भइरहेको मावि जोगागाँउका निमित्त प्रधानाध्यापक जित बहादुर बर्माले बताए ।

गाउँपालिकाले परीक्षालाई व्यबस्थित र मर्यादित बनाउन अनुगमन गरिरहेको गाउँपालिका अध्यक्ष छब्बन खाँले बताए ।उनले कक्षा ८ को परीक्षा चलिरहेको समयमा अनुगमन गर्दा विद्यार्थीहरुले मर्यादित र अनुशासनमा रहेर परीक्षा दिइरहेको आफूले पाएको बताए ।

प्रकाशित मिति: बिहीबार, चैत १, २०८० १९:१३

प्रतिक्रिया दिनुहोस्