बढ्यो पेट्रोलियम पदार्थको मूल्य, पेट्रोलमा २, डिजल र मट्टितेलमा ५ रुपैयाँ बढ्यो

अर्थ

गृहपृष्ठ
अर्थ
बढ्यो पेट्रोलियम पदार्थको मूल्य, पेट्रोलमा २, डिजल र मट्टितेलमा ५ रुपैयाँ बढ्यो

बढ्यो पेट्रोलियम पदार्थको मूल्य, पेट्रोलमा २, डिजल र मट्टितेलमा ५ रुपैयाँ बढ्यो

आइतबार, असार १६, २०८१ बागेश्वरी पोस्ट

काठमाडौं । घटेको पेट्रोलियम पदार्थको मूल्य फेरि बढेको छ । नेपाल आयल निगमले आज राति १२ बजेदेखि लागू हुने गरी पेट्रोलमा प्रतिलिटर २ रुपैयाँ बढाएको छ ।

त्यस्तै निगमले डिजल र मट्टितेलमा प्रतिलिटर ५-५ रुपैयाँ बढाएको छ । निगमले एलपी ग्यास र हवाई इन्धनको मूल्य भने यथावत राखेको छ ।

अब पेट्रोलियम पदार्थको मूल्य बढेसँँगै काठमाडौंमा पेट्रोलको मूल्य प्रतिलिटर १६७ र डिजल र मट्टितेल १५७ रुपैयाँ पर्नेछ । त्यसैगरी दिपायल र पोखरामा पनि पेट्रोलमा १६७ र डिजल र मट्टितेलको १५७ रुपैयाँ नै लागू हुनेछ ।

यसैगरी निगमले दाङ र सुर्खेतमा पेट्रोलको प्रतिलिटर १६६ र डिजल र मट्टितेलमा १५६ रुपैयाँ पर्ने जनाएको छ।

झापाको चारआली, विराटनगर, अमलेखगञ्ज, जनकपुर, नेपालगन्ज र वीरगन्जमा पेट्रोलमा प्रतिलिटर १६४ र डिजल र मट्टितेलको मूल्य १५२ रुपैयाँ लागू हुने नेपाल आयल निगमले जानकारी दिएको छ ।

प्रकाशित मिति: आइतबार, असार १६, २०८१ २१:२८

प्रतिक्रिया दिनुहोस्