नेपालगञ्जमा धारिलो हतियार प्रहारबाट एक जनाको हत्या

सुरक्षा-अपराध

गृहपृष्ठ
सुरक्षा-अपराध
नेपालगञ्जमा धारिलो हतियार प्रहारबाट एक जनाको हत्या

नेपालगञ्जमा धारिलो हतियार प्रहारबाट एक जनाको हत्या

शनिबार, असार २९, २०८१ बागेश्वरी पोस्ट

नेपालगञ्ज । नेपालगञ्जमा धारिलो हतियार प्रहारबाट एक जनाको हत्या भएको छ ।

गएराती करीब साढे १० बजेतिर टांगा स्टेशन नजिक दुई समूहको बीचमा झडप हुँदा धारिलो हतियार प्रहारबाट नेपालगञ्ज उपमहानगरपालिका वडा नम्बर ११ का ३८ वर्षीय इरसाद राई कबडियाको हत्या भएको जिल्ला प्रहरी कार्यालय बाँकेले जनाएको छ । झगडा मिलाउन गएका कबडियामाथि धारिलो हतियार प्रहार गरिएपछि उनी घाइते भएका थिए । उनको उपचारको क्रममा भेरी अस्पतालमा मृत्यु भएको हो ।

धारिलो हतियार प्रहार गरी एक समूहले राईको हत्या गरेको जिल्ला प्रहरी कार्यालय बाँकेका प्रवक्ता एवम् प्रहरी नायव उपरीक्षक नारायण डाँगीले जानकारी दिए । हत्या गर्ने समूहको पहिचान नभए पनि उक्त समूले प्रयोग गरेको मोटरसाइकल फेला परेको डाँगीले बताए । घटनाबारे अनुसन्धान भइरहेको छ ।

प्रकाशित मिति: शनिबार, असार २९, २०८१ १२:३५

प्रतिक्रिया दिनुहोस्