नेपालगन्जकी उपमेयर थापा मगर अन्तर्राष्ट्रियअवार्डका लागी मनोनीत

विश्व

गृहपृष्ठ
विश्व
नेपालगन्जकी उपमेयर थापा मगर अन्तर्राष्ट्रियअवार्डका लागी मनोनीत

नेपालगन्जकी उपमेयर थापा मगर अन्तर्राष्ट्रियअवार्डका लागी मनोनीत

बिहीबार, कात्तिक ७, २०७६ बागेश्वरी पोस्ट

नेपालगन्ज । नेपालगन्ज उपमहानगरपालिकाकी उपमेयर उमा थापामगर अन्तर्राष्ट्रिय अवार्डका लागी मनोनीत भएकी छन् । उपमेयर थापा हरेक वर्ष युएनडिपिले प्रदान गर्ने एनपिस अवार्डका लागि मनोनित भएकी हुन्।

उपमेयर हुनु अघि डेढ दशकसम्म पत्रकारितामा क्रियाशिल थापा लैंगिक समानता र सामाजिक न्यायका लागि आवाज उठाउदै आएकी थिइन । विभिन्न सामाजिक संघ संस्था, समुहका माध्यमबाट युवा, महिला र पछाडि परेका समुदायका विषयमा पनि सामाजिक अभियान्ताका रुपमा क्रियाशिल थिइन । हक्की स्वाभाव र खुला विचारकी उमा दीगो शान्ति र न्यायको पक्षमा वकालत गर्दै आएकी छन् ।

पत्रकारिता र अन्य सामाजिक कार्यमा क्रियाशिल रहदा र उपमेयरमा विजयी भएपछि पनि न्याय र समतामूलक समाज निर्माणका लागि अहोरात्र खट्दै आएकी थापालाई एनपिस नेटवर्कले अनटोल्ड स्टोरी विधामा मनोनीत गरेको आफ्नो वेबसाईटमार्फत जानकारी दिएको छ । उपमेयर थापाले लामो समय सामाजिक मुद्दामा आफूले गरेको कामको योगदानको मूल्यांकन गरेर अवार्डका लागि मनोनीत गर्ने व्यक्तिलाई धन्यवाद दिएकी छन् ।

उनले आफ्नो अमूल्य मत दिएर विजयी गराउन समेत सबैसंग आग्रह गरेकी छन् । यूएनडीपीले शान्ति स्थापना र लैंगिक समानताका लागि काम गर्ने एसिया अन्तर्गत नेपाल, फिलिपिन्स, अफगानिस्तान, श्रीलंका, पाकिस्तान, म्यानमार र इन्डोनेसियाका अभियान्ता र संस्थालाई हरेक वर्ष एनपिस अवार्ड प्रदान गर्दै आईरहेको छ ।

यही नोवेम्बर ७ सम्म इमेल मार्फत मत दिन सकिनेछ । माथी तस्बिर मा देखाइएझै गरि भोट दिन सकिन्छ।

प्रकाशित मिति: बिहीबार, कात्तिक ७, २०७६ २३:०५