मोहम्मद डेमा नेपालगञ्ज, जानकी र नरैनापुरमा सार्वजनिक विदा

संस्कृति-साहित्य

गृहपृष्ठ
संस्कृति-साहित्य
मोहम्मद डेमा नेपालगञ्ज, जानकी र नरैनापुरमा सार्वजनिक विदा

मोहम्मद डेमा नेपालगञ्ज, जानकी र नरैनापुरमा सार्वजनिक विदा

आइतबार, भदौ ३०, २०८१ बागेश्वरी पोस्ट

नेपालगञ्ज । बाँकेमा नेपालगञ्ज उपमहानगरपालिका, जानकी गाउँपालिका र नरैनापुर गाउँपालिकाले मोहम्मद डेका अवसरमा भोलि सार्वजनिक विदा दिएका छन् ।

नेपालगञ्ज उपमहानगरपालिकाले आज एक सूचना जारी गरेर मुस्लिम समुदायको महत्वपूर्ण पर्व मोहम्मद डेको अवसरमा नगर कार्यपालिकाको कार्यालय, नगर अन्तर्गत २३ वटै वडा कार्यालय र सबै शिक्षण संस्थामा सार्वजनिक विदा दिइएको जनाएको छ । कार्यबाहक नगर प्रमुख कमरुद्दिन राईले अत्यावश्यक स्वास्थ्य सेवा बाहेक सबै बन्द रहने उल्लेख गरेका छन् । इस्लाम धर्मावलम्बीको बाक्लो बसोबास रहेको नेपालगञ्जमा मोहम्मद डेको रौनक सुरु भइसकेको छ ।

यस्तै जानकी गाउँपालिका र नरैनापुर गाउँपालिकाले पनि मोहम्मद डेमा सार्वजनिक विदा दिएका छन् । जानकी गाउँपालिका अध्यक्ष छब्बन खाँले सूचना जारी गर्दै गाउँपालिका कार्यालय, वडा र शिक्षण संस्थामा विदा दिएको जनाएका छन् ।

May be an image of text

नरैनापुरका निमित्त प्रमुख प्रशासकीय अधिकृत भरत बस्नेतले पनि एक सूचना जारी गरेर सार्वजनिक विदा दिइएको उल्लेख गरेका छन् ।

May be an image of ticket stub, blueprint and text

इस्लाम धर्मका प्रवर्तक हजरत मोहम्मदको १४९९औँ जन्मोत्सव मुस्लिम समुदायले धुमधुमका साथ मनाउँदैछन् । मुस्लिम समुदायले भोलि र्‍याली निकाल्ने, मस्जिदहरूमा कुरान पाठ गर्ने, पैगम्बर मोहम्मदको उपदेश स्मरण गर्ने, सामूहिक भोज खाने र एक अर्कामा शुभकामना साटासाट गर्ने गर्दछन् ।

प्रकाशित मिति: आइतबार, भदौ ३०, २०८१ १८:२८