गोली हानी महिलाको हत्या

सुरक्षा-अपराध

गृहपृष्ठ
सुरक्षा-अपराध
गोली हानी महिलाको हत्या

गोली हानी महिलाको हत्या

बिहीबार, असोज १०, २०८१ बागेश्वरी पोस्ट

सर्लाही । सर्लाहीमा एक महिलाको गोली हानेर हत्या गरिएको छ । जिल्लास्थित हरिपुर्वा नगरपालिका-५ मा स्थानीय २३ वर्षीया चित्रलेखा यादवको गोली लागेर मृत्यु भएको प्रहरीले जानकारी दिएको छ ।

प्रहरीका अनुसार गोली चल्दा अर्का एक जना व्यक्ति घाइते भएका छन् । घटना आज बिहान पौने २ तिर भएको थियो । प्रहरीले गोली चलाउने व्यक्तिको पहिचान खुलाएको छैन ।

प्रहरीले दिएको जानकारी अनुसार मृतक चित्रलेखाका ५४ वर्षीय ससुरा रामदिनेश रायलाई बायाँ हातमागोली लागेर घाइते भएका छन् । उनको प्रादेशिक अस्पताल मलंगवामा उपचार जारी छ ।

सर्लाही प्रहरीले गोली हानेर फरार भएका व्यक्तिको खोजीकार्यलाई तिब्र बनाएको जनाएको छ । ती व्यक्तिको खोजीका लागि जिल्लाको सीमा क्षेत्रमा ठूलो संख्यामा प्रहरी परिचालन गरिएको सर्लाही प्रहरीले जनाएको छ ।

मृतकका श्रीमान गएराति एक जना व्यक्तिसँग मोटरसाइकलमा आएपछि घरमा गोली प्रहारको घटना भएको देखिएको प्रहरीले जानकारी दिएको छ ।

प्रहरीले चित्रलेखालाई गोली हान्ने व्यक्ति उनकै श्रीमान हुन् वा अरु कोहिलाई गोली हान्न लगाएको भन्ने बारेमा अझै केही नखुलेको जानकारी दिएको छ ।

यता राति नै प्रहरी चौकी हरिपुर्वाले भने चित्रलेखाका श्रीमानले नै श्रीमती र बुवालाई गोली हानेर फरार भएको टिपोट सार्वजनिक गरेको छ । तर, जिल्ला प्रहरी सर्लाही गोली हान्ने व्यक्ति को हो भन्ने बारेम अझै केहि जानकारी दिएको छैन ।

प्रकाशित मिति: बिहीबार, असोज १०, २०८१ ०९:३९

प्रतिक्रिया दिनुहोस्