नेपालगंजमा रावणको पुत्ला दहन, आज रामलिला समापन

संस्कृति-साहित्य

गृहपृष्ठ
संस्कृति-साहित्य
नेपालगंजमा रावणको पुत्ला दहन, आज रामलिला समापन

नेपालगंजमा रावणको पुत्ला दहन, आज रामलिला समापन

आइतबार, असोज २७, २०८१ बागेश्वरी पोस्ट

नेपालगन्ज । बडा दशैंको दशौं दिन नेपालगञ्जमा ५५ फिटको रावणको पुत्ला दहन गरिएको छ ।

डेढ सय वर्षदेखि आयोजना हुँदै आएको रामलिला मञ्चनका क्रममा शनिबार राती रावणको पुत्ला दहन गरिएको हो । यस वर्ष आयोजना गरिएको १ सय ५७ औं रामलिला मञ्चनमा कुम्भकरण, मेघनाथ र रावणको वध गरिएको हो ।

संस्कृतिको रुपमा स्थापित भएको रामलिला मञ्चन घटस्थापनामा सुरु भई टीकाको भोलिपल्टसम्म चल्दछ । आज रामलिला समापन हुँदैछ । रामलिला मञ्चनकै लागि सहरको बीचमा रामलिला मैदान संरक्षित छ । त्यही रामलिला मैदानमा भारतको बृन्दावनबाट कलाकार ल्याएर रामलिला मञ्चन हुन्छ । खाना खाएर रातिमा रामलिला हेर्न जाने यहाँको संस्कृति बनेको छ । रामलिला सञ्चालक समितिले रामलिलाका लागि भारतबाट राधा रमण नेतृत्वको २५ जना कलाकार टोली ल्याएको छ ।

रामलिला मञ्चनमा राम र सीताको जीवनीमा आधारित विभिन्न कथालाई नाटकीय रुपमा प्रस्तुत गर्ने गरिन्छ । हरेक दिन साँझ ७ बजेदेखि राती १२ बजेसम्म रामलिला मञ्चन हुन्छ ।

प्रकाशित मिति: आइतबार, असोज २७, २०८१ १०:२०