बागेश्वरी मन्दिरमा सोमबार १००औं श्रृंखलाका रुपमा विशेष महाआरती हुँदै

संस्कृति-साहित्य

गृहपृष्ठ
संस्कृति-साहित्य
बागेश्वरी मन्दिरमा सोमबार १००औं श्रृंखलाका रुपमा विशेष महाआरती हुँदै

बागेश्वरी मन्दिरमा सोमबार १००औं श्रृंखलाका रुपमा विशेष महाआरती हुँदै

शनिबार, पुस ६, २०८१ बागेश्वरी पोस्ट

नेपालगञ्ज । बागेश्वरी मन्दिरमा आगामी सोमबार विशेष सन्ध्याकालीन महाआरती हुँदैछ । १००औं श्रृंखलाका रुपमा सोमबार हुने महाआरती भब्य हुने भएको हो । बागेश्वरी मन्दिर गुठी व्यवस्थापन समिति र महाआरती सञ्चालन तथा व्यवस्थापन उपसमितिले आज पत्रकार सम्मेलन गरेर १००औं श्रृंखलालाई विशेष बनाउने बताएको छ । २०७९ माघ १६ गते सोमबारबाट बागेश्वरी मन्दिरमा सन्ध्याकालीन महाआरती सुरु भएको हो ।

पत्रकार सम्मेलन बागेश्वरी मन्दिर गुठी व्यवस्थापन समितिका कार्यबाहक अध्यक्ष ओम प्रकाश अजादको अध्यक्षतामा सम्पन्न भएको थियो । पत्रकार सम्मेलनमा बागेश्वरी मन्दिर गुठी ब्यवस्थापन समितिका सचिव गोपाल अधिकारी र महाआरती सञ्चालन तथा व्यवस्थापन उपसमिति संयोजक सुनिलसिंह हमालले महाआरतीको विशेष श्रृंखलाबारे जानकारी गराएका थिए ।

उक्त दिन महाआरती सञ्चालनार्थ सहयोग गरेका सम्पूर्ण संघसंस्था, सरोकारवाला व्यक्तित्वलाई सम्मान गरिने बताइएको छ । धार्मिक पर्यटन प्रबद्र्धन गर्ने उद्देश्यले सञ्चालित महाआरती दिगोपनाको लागि स्रोत सुनिश्चित गर्ने गरी गृहकार्य भइरहेको अधिकारीले बताए । पत्रकार सम्मेलनमा गुठी सदस्य नन्दलाल बैश्यले स्वागत मन्तब्य ब्यक्त गरेका थिए । पुस ८ गते सोमबार साँझ ५.१४ मा विशेष महाआरती सुरु हुनेछ ।

प्रकाशित मिति: शनिबार, पुस ६, २०८१ २१:४५