दंगीशरण कौवाघारीका प्रेमबहादुरको मृत्यु प्रकरण: शिकार खेल्न गएका बेला लागेको थियो गोली

सुरक्षा-अपराध

गृहपृष्ठ
सुरक्षा-अपराध
दंगीशरण कौवाघारीका प्रेमबहादुरको मृत्यु प्रकरण: शिकार खेल्न गएका बेला लागेको थियो गोली

दंगीशरण कौवाघारीका प्रेमबहादुरको मृत्यु प्रकरण: शिकार खेल्न गएका बेला लागेको थियो गोली

आइतबार, माघ ६, २०८१ बागेश्वरी पोस्ट

तुलसीपुर । दाङस्थित दंगीशरण गाउँपालिकाका एक युवकको मृत्युु प्रकरणमा प्रहरीले दुई युवकलाई पक्राउ गरेपछि घटनाको रहस्य खुलेको छ ।

दंगीशरण-२ कौवाघारीका २५ बर्षीय प्रेमबहादुर कुसारीको मृत्यु प्रकरणमा फरार रहेका दुई स्थानीय युवक छबिलाल डाँगी कोहलपुरबाट र पुष्प बस्नेतलाई दाङको तुलसीपुर बजार क्षेत्रवाट पक्राउ गरेपछि गोली लागेर मृत्यु भएको खुलेको इलाका प्रहरी कार्यालय तुलसीपुरले जनाएको छ ।

प्रहरीले घटनापछि फरार रहेका डाँगी कोहलपुरबाट शनिबार दिउँसो र पुष्प बस्नेतलाई दाङको तुलसीपुर बजार नजिकबाट शनिबार बेलुकी पक्राउ गरेको थियो । उनीहरु पक्राउ परेपछि बयानका आधारमा स्थानीय जंगलमा फालेको अवस्थामा एउटा भरुवा बन्दुक पनि बरामद भएको प्रहरीलेले जानकारी दिएको छ ।

चोरी शिकार गर्न गएका बखत प्रेमबहादुुरले आफैंले बोकेको भरुवा बन्दुक पड्किएर गोली लागेको हो वा पुरानो कुनै रिसिवीका कारण साथीहरुले नै योजना बनाई प्रेमबहादुरमाथि बन्दुकबाट गोली हानेका थिए ? भन्ने बारे अनुसन्धान हुने प्रहरीले जनाएको छ ।

माघ ३ गते बिहीबार अपरान्हमा प्रेमबहादुरमाथि बन्दुकको गाली लागेको थियो । प्रेमबहादुरसंगै गएका साथीहरुमध्ये छबिलाल डाँगी र पुष्प बस्नेतले भने उनी रुखबाट लडेर घाइते भएको बताएका थिए ।

दुबै खुट्टाको तिघ्रा, घुँडा लगायतमा गोलीका छर्रा लागेका प्रेमबहादुरलाई उपचारका लागि तुलसीपुरस्थित राप्ती प्रादेशिक अस्पताल ल्याइएको थियो । राप्ती प्रादेशिक अस्पतालले घाइतेलाई बाँकेको नेपालगञ्जका लागि रिफर गरिदिएको थियो । सोही दिन राति नै उपचारका क्रममा प्रेमबहादुरको मृत्यु भएको थियो ।

नेपालगञ्जस्थित भेरी अस्पतालमा प्रेमबहादुरको पोष्टमार्टमपछि परिवारजनले शब घर ल्याएका थिए । त्यही क्रममा प्रेमबहादुर रुखबाट लडेको नभइ उनीमाथि बन्दुकबाट गोली प्रहार भएको कुरा कसैले खोलेका थिए । त्यही भएर अन्तिम संस्कारका लागि घाटमा लैजान तयारी अवस्थामा प्रेमबहादुरको शव बारे बिबाद सुरु भएको थियो ।

शुक्रबार रातभर प्रेमबहादुरको शब गाउँ घरका मानिसले कुरेर बसे । जिल्ला प्रहरी प्रमुख एसपी अर्जुन तिमिल्सिनाको निर्देशनमा शनिबार बिहान फेरि दोस्रो पटक पोष्टमार्टमका लागि प्रेमबहादुरको शब भेरी अस्पताल नेपालगञ्जमा लगियो । दोस्रो पोष्टमार्टमबाट तिघ्राको भाग पनि चिरफार ग¥यो । त्यसपछि बन्दुकका छर्रा फेला परे ।

शनिबार बेलुकी मात्रै अन्तेतिष्टका लागि आफन्त, गाउँ समाज जुटेको इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक बिनोद खत्रीले जानकारी दिए । पक्राउ परेकाहरुमाथि थप सोधपुछ र अनुसन्धान कार्य बाँकी रहेको हुँदा तथ्य कुरा बुझेर मात्रै प्रेमबहादुरको मृत्यु प्रकरण सार्वजनिक गर्ने प्रहरीले जानकारी दिएको छ ।

प्रकाशित मिति: आइतबार, माघ ६, २०८१ ११:४३

प्रतिक्रिया दिनुहोस्