हराएकी बालिकालाई आफन्तको जिम्मा लगायो बाँके प्रहरीले

सुरक्षा-अपराध

गृहपृष्ठ
सुरक्षा-अपराध
हराएकी बालिकालाई आफन्तको जिम्मा लगायो बाँके प्रहरीले

हराएकी बालिकालाई आफन्तको जिम्मा लगायो बाँके प्रहरीले

बिहीबार, माघ १०, २०८१ बागेश्वरी पोस्ट

नेपालगन्ज । नेपालगन्जमा फेला परेकी ११ वर्षीया बालिकालाई प्रहरीले आफन्तको जिम्मा लगाएको छ ।

नेपालगन्ज आइपुगेकी ती बालिकालाई प्रहरीले सोमबार राति नेपालगन्ज उपमहानगरपालिका-२ धम्बोझीमा फेला पारेको थियो । ती बालिकाले आफ्नो घर बर्दिया भएको बताएपछि बर्दिया प्रहरीलाई जिल्ला प्रहरी बाँकेले सम्पर्क गरेको हो ।

स्थानीय जनप्रतिनिधिमार्फत उनको आफन्तलाई सम्पर्क गर्दै आज नेपालगन्जस्थित महिला तथा बालबालिका शाखाकी इन्चार्ज प्रहरी निरीक्षक शिवा थापाले ती बालिकालाई फुवाजुको जिम्मा लगाएको जिल्ला प्रहरी कार्यालय बाँकेले जनाएको छ ।

जिल्ला प्रहरी बाँकेले दिएको जानकारी अनुसार बालिकाका बुवा रोजगारीको सिलसिलामा भारतमा रहेको र आमा नभएको अवस्थामा आफन्त (फुवाजु) को जिम्मा लगाएर घर पठाइएको हो ।

प्रकाशित मिति: बिहीबार, माघ १०, २०८१ १९:१२

प्रतिक्रिया दिनुहोस्