श्रोत नखुलेको २४ लाखसहित सशस्त्र प्रहरीले नियन्त्रणमा लियो भारतीय युवकलाई

सुरक्षा-अपराध

गृहपृष्ठ
सुरक्षा-अपराध
श्रोत नखुलेको २४ लाखसहित सशस्त्र प्रहरीले नियन्त्रणमा लियो भारतीय युवकलाई

श्रोत नखुलेको २४ लाखसहित सशस्त्र प्रहरीले नियन्त्रणमा लियो भारतीय युवकलाई

शुक्रबार, माघ ११, २०८१ बागेश्वरी पोस्ट

नेपालगन्ज । सशस्त्र प्रहरीले श्रोत नखुलेको २४ लाख रुपैयाँ बढीसहित एक जना भारतीय युवकलाई पक्राउ गरेको छ ।

सशस्त्र प्रहरी बल रुपन्देहीस्थित प्रस्तावित सीमा सुरक्षा गुल्म डण्डाले चेकप्वाइन्टबाट नेपाली स्कुटर सवार २३ वर्षीय भारतीय युवक अभिषेक अग्रहरीको साथबाट २४ लाख १३ हजार १३० नेपाली रुपैयाँ र १५ सय ४० भारतीय रुपैयाँँ बरामद गरेको सशस्त्र प्रहरी बल नं. २७ गण रुपन्देहीले जानकारी दिएको छ ।

सशस्त्र प्रहरी रुपन्देहीका अनुसार जिल्लास्थित सिद्धार्थनगर नगरपालिका-१ चेकप्वाइन्टमा बिहीबार चेकजाँचका क्रममा प्रस्तावित सीमा सुरक्षा गुल्मको टोलीले लु ९२ प ३५४६ नम्बरको स्कुटरमा सवार भारतको महाराजगञ्ज नौतनवा ग्रामपञ्चायत- ४ नौतनवाका युवक अभिषेकले आफ्नो शरीरभित्र लुकाएर ल्याएको अवस्थामा लाखौं रुपैयाँ नगद बरामद गरेको थियो ।

अभिषेकले बरामद भएको २४ लाख बढी नगदको श्रोत खुलाउन नसकेपछि उनलाई सशस्त्र प्रहरीको प्रस्तावित सीमा सुरक्षा गुल्म डण्डाले पक्राउ गरेको सशस्त्र प्रहरी बल नं. २७ गण रुपन्देहीले जनाएको छ ।

बरामद गरिएको सबै नगद, स्कुटर र पक्राउ परेका अभिषेकलाई आवश्यक कारबाही र अनुसन्धानका लागि बुटवलस्थित राजस्व अनुसन्धान कार्यालय पठाइएको सशस्त्र प्रहरी रुपन्देहीले जानकारी दिएको छ ।

प्रकाशित मिति: शुक्रबार, माघ ११, २०८१ ११:२३