तुलसीपुरमा बैंक लुट्न पुगेका युवक मध्यरातमा पक्राउ

सुरक्षा-अपराध

गृहपृष्ठ
सुरक्षा-अपराध
तुलसीपुरमा बैंक लुट्न पुगेका युवक मध्यरातमा पक्राउ

तुलसीपुरमा बैंक लुट्न पुगेका युवक मध्यरातमा पक्राउ

आइतबार, माघ १३, २०८१ बागेश्वरी पोस्ट

नेपालगन्ज । दाङको तुलसीपुरमा रहेको एनएमबी बैंक लुट्न पुगेका एक युवकलाई मध्यरातमा प्रहरीले पक्राउ गरेको छ ।

तुलसीपुर उपमहानगरपालिका-५ स्थित बिपी चोकमा रहेको एनएमबी बैंकमा चोरी गर्न पुगेका २७ वर्षीय युवक सन्तोष चौधरीलाई मध्यरातको २ बजे विभिन्न सामानसहित पक्राउ गरेको इलाका प्रहरी कार्यालय तुलसीपुरले जानकारी दिएको छ ।

तुलसीपुर प्रहरीले तुलसीपुर-१८ दुधरासका सन्तोषले एनएमबी बैंकको ताला फोडी कोलियाबाट भित्र छिरेर चोरीको प्रयास गर्दै गरेको अवस्थामा २ बजे पक्राउ गरेको थियो ।

प्रहरीले सन्तोषको साथबाट बैंक लुट्न प्रयोग भएका हथौडा, छिनो, पिलास, ह्वाक्सा बिलेड लगायतका सामान बरामद गर्दै चौधरीले प्रयोग गरेको रा ५ प ९७९ नम्बरको स्कुटरलाई प्रहरीले नियन्त्रणमा लिएको इलाका प्रहरी कार्यालय तुलसीपुरले जनाएको छ ।

बिपी चोकका स्थानीयले एनएमबी बैंक लुट्न लागेको खबर दिए लगत्तै इलाका प्रहरी कार्यालय तुलसीपुरबाट आएको टोलीले बैंकभित्रबाट पक्राउ गरेको थियो ।

इलाका प्रहरी कार्यालय तुलसीपुरले घटनाबारे थप अनुसन्धान सुरु गरिसकेको जानकारी दिएको छ ।

प्रकाशित मिति: आइतबार, माघ १३, २०८१ १०:१७

प्रतिक्रिया दिनुहोस्