ट्राफिक प्रहरीले हुस्सु र कुहिरोमा दुर्घटनाबाट बच्न दिँदै ट्राफिक सचेतना

सुरक्षा-अपराध

गृहपृष्ठ
सुरक्षा-अपराध
ट्राफिक प्रहरीले हुस्सु र कुहिरोमा दुर्घटनाबाट बच्न दिँदै ट्राफिक सचेतना

ट्राफिक प्रहरीले हुस्सु र कुहिरोमा दुर्घटनाबाट बच्न दिँदै ट्राफिक सचेतना

सोमबार, माघ १४, २०८१ बागेश्वरी पोस्ट

कोहलपुर । बाँके ट्राफिक प्रहरी कोहलपुरले दुर्घटना न्यूनीकरणका लागि कोहलपुर लगायतका स्थानमा विद्यार्थी र सर्वसाधारण नागरिकलाई ट्राफिक सचेतना कक्षा दिएको छ ।

जिल्ला ट्राफिक प्रहरी कार्यालय कोहलपुर र मातहतका युनिटको आयोजनामा अहिलेको जाडो समयमा हुस्सु र कुहिरोले हुने सवारी दुर्घटना न्यूनीकरण गर्ने उद्देश्यका साथ जिल्लाका विभिन्न विद्यालयका विद्यार्थी र विभिन्न स्थानहरुमा स्थानीयलाई भेला गराई सचेतना कक्षा दिइएको बाँके ट्राफिक प्रहरी प्रमुख प्रहरी निरीक्षक पुष्कर पन्तले जानकारी दिए ।

प्रहरी निरीक्षक पन्तका अनुसार ट्राफिक सचेतना अन्तर्गत सवारी दुर्घटना न्यूनीकरणका लागि सडक प्रयोगकर्ता, चालक तथा सह-चालक, विद्यार्थीहरु, नयाँ चालकहरु, सर्वसाधारणहरुलाई ट्राफिक नियम, लेन अनुशासन, सवारी दुर्घटनाका कारणहरु, सवारी दुर्घटनाबाट बच्ने उपाय लगायतका विषयमा सचेत बनाइएको हो ।

ट्राफिक प्रहरीले अहिलेको समयमा रात र दिनको समयमा हुस्सु कुहिरो, शीतलहर चलेको बेलामा सवारी चलाउँदा ध्यान दिनुपर्ने कुराहरु लगायतका विषयमा सचेतना कक्षा दिएको पन्तले बताए ।

प्रकाशित मिति: सोमबार, माघ १४, २०८१ ११:०८

प्रतिक्रिया दिनुहोस्