बाँकेका विभिन्न स्थानबाट ब्राउन सुगरसहित ४ जना पक्राउ

सुरक्षा-अपराध

गृहपृष्ठ
सुरक्षा-अपराध
बाँकेका विभिन्न स्थानबाट ब्राउन सुगरसहित ४ जना पक्राउ

बाँकेका विभिन्न स्थानबाट ब्राउन सुगरसहित ४ जना पक्राउ

मंगलबार, माघ १५, २०८१ बागेश्वरी पोस्ट

नेपालगन्ज । प्रहरीले बाँकेका विभिन्न स्थानबाट लागुऔषध ब्राउन सुगरसहित ४ जनालाई पक्राउ गरेको छ । बाँके प्रहरीको टोलीले नेपालगन्ज उपमहानगरपालिकाबाट ३ जनालाई पक्राउ गरेको छ भने कोहलपुरबाट एक जनालाई पक्राउ गरेको जनाएको छ ।

नेपालगन्ज-१५ जमुनाहबाट १ ग्राम ४४० मिलिग्राम ब्राउन सुगरसहित कोहलपुर नगरपालिका-१० का ३० वर्षीय गौरव शर्मालाई प्रहरीले जमुनाह नाका नजिकबाट इलाका प्रहरी कार्यालय जमुनाह र लागुऔषध नियन्त्रण ब्यूरोको टोलीले सोमबार दिउँसो पक्राउ गरेको जिल्ला प्रहरी कार्यालय बाँकेले जानकारी दिएको छ ।

त्यसैगरी प्रहरीले नेपालगन्ज-२ वाटरपार्क नजिकबाट १ सय ६० मिलिग्राम ब्राउनसुगरसहित सुर्खेतको बीरेन्द्रनगर नगरपालिका-६ का १९ वर्षीय अर्जुन सुनार समेत दुई जनालाई सोमबार बेलुकी पक्राउ गरेको हो । अर्जुनसहितको टोलीलाई अस्थायी प्रहरी पोष्ट बसपार्क र लागूऔषध नियन्त्रण ब्यूरोको टोलीले ब्राउन सुगरसहित पक्राउ गरेको हो ।

सोमबार बेलुकी नै इलाका प्रहरी कार्यालय कोहलपुरले १ ग्राम ६५० मिलिग्राम ब्राउन सुगरसहित कोहलपुर-१२ का २६ वर्षीय रोनित थापालाई पक्राउ गरेको हो । थापालाई ब्राउन सुगर लिएर जाँदै गरेको अवस्थामा कोहलपुर प्रहरीले कोहलपुर-११ चप्परगौडीबाट पक्राउ गरेको जिल्ला प्रहरी कार्यालय बाँकेले जानकारी दिएको छ ।

पक्राउ परेका उनीहरुविरुद्ध लागुऔषध कसुरमा थप अनुसन्धान गरिरहेको जिल्ला प्रहरी बाँकेले जनाएको छ ।

प्रकाशित मिति: मंगलबार, माघ १५, २०८१ १३:२८

प्रतिक्रिया दिनुहोस्