बाँकेमा ६ महिनाको अवधिमा ५० सवारीसाधन चोरी

सुरक्षा-अपराध

गृहपृष्ठ
सुरक्षा-अपराध
बाँकेमा ६ महिनाको अवधिमा ५० सवारीसाधन चोरी

बाँकेमा ६ महिनाको अवधिमा ५० सवारीसाधन चोरी

बुधबार, माघ १६, २०८१ बागेश्वरी पोस्ट

बाँके । बाँके जिल्लाभरबाट ५० सवारीसाधन चोरी भएका छन् । आर्थिक वर्ष २०८१-०८२ को साउन महिनादेखि हालसम्म बाँकेमा मात्रै ५० वटा सवारीसाधन चोरी भएका हुन् ।

जिल्ला प्रहरीले बाँकेले दिएको विवरण अनुसार २०८१ साउन ३ गतेदेखि २०८१ पुस २९ गतेसम्मको अवधिमा कार, मोटरसाइकल, स्कुटर र इ-रिक्सा गरी ५० वटा सवारीसाधन चोरी भएका छन् ।

उक्त समयदेखि हालसम्म बाँकेमा ४२ मोटरसाइकल चोरी हुँदा एउटा कार, ३ वटा स्कुटर र ४ वटा इ-रिक्सा चोरी भएका हुन् ।

यता बाँके प्रहरीले सार्वजनिक गरेका नम्बरका मोटरसाइकल कसैले देखेमा प्रहरीलाई खबर गर्न सबैमा आग्रह गरेको छ । अहिले बाँके प्रहरीले चोरी भएका ५० सवारीसाधनको विवरण सार्वजनिक गर्दा चोर र सवारीसाधन पत्ता लगाउन नसकेको भन्दै चौतर्फी आलोचना भइरहेको छ ।

तर, बाँके प्रहरीले यसअघि चोरी भएका केही सवारीसाधनलाई भने फेला पारे पनि सार्वजनिक विवरणमा जानकारी गराएको छैन ।

प्रकाशित मिति: बुधबार, माघ १६, २०८१ १३:२९

प्रतिक्रिया दिनुहोस्