नेपालगन्जको जमुनहाबाट ११ ग्राम बढी ब्राउन सुगरसहित दुई युवक पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनहाबाट ११ ग्राम बढी ब्राउन सुगरसहित दुई युवक पक्राउ

नेपालगन्जको जमुनहाबाट ११ ग्राम बढी ब्राउन सुगरसहित दुई युवक पक्राउ

शनिबार, माघ १९, २०८१ बागेश्वरी पोस्ट

नेपालगन्ज । नेपालगन्जको जमुनाह नाकाबाट ब्राउन सुगरसहित प्रहरीले कर्णाली प्रदेशका दुई युवकलाई पक्राउ गरेको छ ।

इलाका प्रहरी कार्यालय जमुनाहा र लागुऔषध नियन्त्रण ब्युरोको टोलीले रुपैडिहादेखि नेपालगन्जतर्फ आउँदै गरेका सुर्खेत लेखवेशी नगरपालिका-१ राटामाटाका ३० वर्षीय भक्तराज थापा र दैलेखको भगवती गाउँपालिका-३ का २८ वर्षीय हिमाल खड्कालाई ब्राउन सुगरसहित पक्राउ गरेको हो ।

जिल्ला प्रहरी कार्यालय बाँकेका अनुसार नेपालगन्ज-१५ स्थित जमुनाह नाकामा चेकजाँचका क्रममा शुक्रबार उनीहरुको साथबाट ११ ग्राम ४७० मिलिग्राम ब्राउन सुगर बरामद गरेको हो ।

पक्राउ परेका दुबै जनाविरुद्ध लागुऔषध कसुरमा थप अनुसन्धान अगाडि बढाइएको जिल्ला प्रहरी बाँकेले जानकारी दिएको छ ।

प्रकाशित मिति: शनिबार, माघ १९, २०८१ १०:४१

प्रतिक्रिया दिनुहोस्