नेपालगञ्ज टांगा स्टेशन कबडिया हत्या घटनाः फरार आरोपी पक्राउ

सुरक्षा-अपराध

गृहपृष्ठ
सुरक्षा-अपराध
नेपालगञ्ज टांगा स्टेशन कबडिया हत्या घटनाः फरार आरोपी पक्राउ

नेपालगञ्ज टांगा स्टेशन कबडिया हत्या घटनाः फरार आरोपी पक्राउ

आइतबार, माघ २०, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर ११ टांगा स्टेशन नजिक गत असार २८ गते राति भएको एक युवकको हत्या घटनामा प्रहरीले फरार एक युवकलाई पक्राउ गरेको छ ।

जिल्ला प्रहरी कार्यालय बाँकेले उक्त घटनाका जाजरकोट कुसे गाउँपालिका ८ का २३ वर्षीय फरार आरोपी जगत सिंह ठकुरीलाई नेपालगञ्जमा आएको अवस्थामा गएराति पक्राउ गरेको जानकारी दिएको छ ।

बाँके प्रहरीको टोलीले ठकुरीलाई गएराति १० बजे नेपालगञ्ज-४ बसपार्कस्थित अछामी गेस्ट हाउसबाट पक्राउ गरेको जिल्ला प्रहरी बाँकेका प्रवक्ता डीएसपी आयुश प्रसाद जोशीले बताए ।

डीएसपी जोशीका अनुसार पक्राउ परेका ठकुरीसँग घटनाका बारेमा थप अनुसन्धान सुरु भइरहेको छ । उक्त घटनामा अरु पनि रहेको बताइएको छ ।

गत असार २८ गते राति करिब पौने ११ बजे नेपालगञ्जको टांंगा स्टेशन नजिक दुई समूहबीच भइरहेको ग्याङफाइट भइरहेको थियो । उक्त झगडा छुट्टाउन गएका ३८ वर्षीय इरसाद राई कबडियालाई ठकुरीको समूहले खुकुरी प्रहार गरेका थिए । गम्भीर घाइते भएका इरसादको उपचारका क्रममा असार २९ गते बिहान अस्पतालमा मृत्यु भएको थियो ।

प्रहरीले घटनास्थलबाट एउटा मोटरसाइकल फेला पारेपछि अनुसन्धानका क्रममा ठकुरीको टोलीले इरसादको हत्या गरेको खुल्न आएको जिल्ला प्रहरी कार्यालय बाँकेले जानकारी दिएको छ ।

प्रकाशित मिति: आइतबार, माघ २०, २०८१ १२:१०