बैजनाथबाट ११ ग्राम ब्राउन सुगरसहित तीन जना पक्राउ

सुरक्षा-अपराध

गृहपृष्ठ
सुरक्षा-अपराध
बैजनाथबाट ११ ग्राम ब्राउन सुगरसहित तीन जना पक्राउ

बैजनाथबाट ११ ग्राम ब्राउन सुगरसहित तीन जना पक्राउ

बुधबार, माघ २३, २०८१ बागेश्वरी पोस्ट

नेपालगन्ज । बाँकेको बैजनाथ गाउँपालिकाबाट प्रहरीले ब्राउन सुगरसहित तीन जनालाई पक्राउ गरेको छ ।

विशेष सूचना पाएर गएको इलाका प्रहरी कार्यालय र लागुऔषध नियन्त्रण ब्यूरो नेपालगन्जको टोलीले बैजनाथ गाउँपालिका-७ पेडारीबाट ११ ग्राम ४ सय मिलिग्राम ब्राउन सुगरसहित तीन जनालाई पक्राउ गरेको जिल्ला प्रहरी कार्यालय बाँकेले जानकारी दिएको छ ।

बाँके प्रहरीका अनुसार बैजनाथ गाउँपालिका-७ का ४२ वर्षीय विजय चौधरी, सोही स्थानकै ४९ वर्षीय भारती थारु र २९ वर्षीय रामेश्वर थारुलाई ११ ग्राम ४ सय मिलिग्राम ब्राउन सुगरसहित संयुक्त प्रहरीको टोलीले मंगलबार पक्राउ गरेको हो ।

ब्राउन सुगरको कारोबार भइरहेको गोप्य सूचना पाएर विजय थारुको घरमा छापा मारेर उक्त परिमाणको ब्राउन सुगर बरामद गरेको जिल्ला प्रहरी कार्यालय बाँकेले जनाएको छ ।

प्रहरीले छापा मार्ने क्रममा उनीहरु तीनै जनाले प्लास्टिकका साना साना पोका बनाएर ब्राउन सुगर राख्दै गरेको अवस्थामा रङ्गेहात पक्राउ गरेको प्रहरीले जानकारी दिएको छ ।

ब्राउन सुगरसहित पक्राउ परेका तीनै जनालाई लागुऔषध कसुरमा इलाका प्रहरी कार्यालय कोहलपुरले थप अनुसन्धान अगाडि बढाएको जिल्ला प्रहरी कार्यालय बाँकेले जानकारी दिएको छ ।

प्रकाशित मिति: बुधबार, माघ २३, २०८१ १५:१६

प्रतिक्रिया दिनुहोस्